Útdráttur
Markmiðið með gerðinn er að auka umferðaröryggi með því að koma í veg fyrir að ökumenn sleppi við viðurlög vegna umferðarlagabrota sem framin eru í öðru ríki innan Evrópska efnahagssvæðisins en því ríki sem ökutæki er skráð í. Er þannig leitast við að tryggja jafna meðferð ökumanna sem fremja umferðarlagabrot, óháð þjóðerni/búsetu. Í stuttu máli felur tilskipunin í sér að aðildarríki skuli tryggja gagnkvæman aðgang annarra ríkja að tilteknum upplýsingum úr ökutækjaskrá, svo ríki geti framfylgt viðurlögum. Ekki er um að ræða viðurlög af hálfu stofnana á vegum Evrópusambandsins, né samræmingu í þeim efnum. Eingöngu er um að ræða viðurlög aðildarríkjanna sjálfra vegna umferðarlagabrota sem framin eru á þeirra yfirráðasvæði.
Nánari efnisumfjöllun
Markmiðið með gerðinn er að auka umferðaröryggi með því að koma í veg fyrir að ökumenn sleppi við viðurlög vegna umferðarlagabrota sem framin eru í öðru ríki innan Evrópska efnahagssvæðisins en því ríki sem ökutæki er skráð í. Er þannig leitast við að tryggja jafna meðferð ökumanna sem fremja umferðarlagabrot, óháð þjóðerni/búsetu.Aðdragandann má rekja til þess að borið hefur á því að ökumenn á ökutækjum skráðum í öðrum ríkjum innan Evrópska efnahagssvæðisins en því ríki sem umferðarlagabrot er framið í, hafa sloppið við viðurlög vegna brots. Tilskipuninni er ætlað að auðvelda aðildarríkjum þar sem brot er framið að nálgast upplýsingar um það ökutæki sem við á í hvert skipti.Í stuttu máli felur tilskipunin í sér að aðildarríki skuli tryggja gagnkvæman aðgang annarra ríkja að tilteknum upplýsingum úr ökutækjaskrá, svo ríki geti framfylgt viðurlögum. Ekki er um að ræða viðurlög af hálfu stofnana á vegum Evrópusambandsins, né samræmingu í þeim efnum. Eingöngu er um að ræða viðurlög aðildarríkjanna sjálfra vegna umferðarlagabrota sem framin eru á þeirra yfirráðasvæði.Verða nú helstu ákvæði tillögunnar reifuð nánar:Í 2. gr. er í 8 málsliðum talið upp til hvers konar umferðarlagabrota tilskipunin á að taka til. Hér er um að ræða hraðakstur, áfengis- og vímuefnaakstur, akstur gegn rauðu ljósi, brot gegn skyldu til að vera með sætisbelti o.þ.h. Í öllum tilfellum er um að ræða brot sem lögregla sektar fyrir hér á landi.Í 4. gr. er kveðið á um skyldu ríkja til að tryggja rafrænan aðgang annarra ríkja að tilteknum upplýsingum um ökutæki og ökumenn. Umræddar upplýsingar eru nánar skilgeindar í viðauka I. Í 4. gr. er einnig kveðið á um að kerfin skuli uppfylla sams konar öryggiskröfur og krafist er skv. 2. og 3. tölul. 3. kafla viðauka Council Decision 2008/615/JHA of 23 June 2008 on the stepping up of cross-border cooperation, particularly in combating terrorism and cross-border crime. (Prüm Decision).Í 5. gr. er fjallað um hvernig aðildarríki skulu haga framfylgd viðurlaga þegar brot er framið á ökutæki skráðu í öðru ríki innan Evrópska efnahagssvæðisins.Í 6. gr. er kveðið á um að aðildarríki beri að skila skýrslu á tveggja ára fresti um framfylgd viðurlaga skv. tilskipuninni.Í 7. gr. er kveðið á um meðferð gagna, en að töluverðu leyti er um persónuupplýsingar að ræða og skal tilskipun Evrópuþingsins og ráðsins 95/46/EB frá 24. október 1995 um vernd einstaklinga í tengslum við vinnslu persónuupplýsinga og um frjálsa miðlun slíkra upplýsinga, gilda um meðferð þeirra. Þær stofnanir sem að málinu koma eru ríkislögreglustjóri, lögregluembætti, Samgöngustofa og Persónuvernd.Kostnaður af innleiðingu tilskipunarinnar er enn óljós.
