32016D2317

Nokkur umræða hefur verið um hvort heimila ætti notkun farsíma um borð í flugfélum. Hingað til hefur verið í notkun sérstök tækni til að koma í veg fyrir að farnet um boð í flugvélum geti valdið truflunum á jörðu niðri.
Framkvæmdastjórn Evrópusambandsins fór fram á það við CEPT, European Conference of Postal and Telecommunications Administrations, að stofnunin gerði rannsókn á því hvort nauðsynlegt væri að nota svokallað NCU-tækni í flugvélum þar sem boðið er upp á MCA, Mobile Communications Aircraft, þjónustu. Núverandi löggjöf krefst notkunar NCU, Network Control Unit einingar sem hluta af MCA kerfisbúnaði flugvélar. NCU-einingin kemur í veg fyrir að símar um borð í flugvélum nái sambandi við farnetskerfi á jörðu niðri.
MCA er samheiti yfir þrjár tegundir farnets þjónustu sem boðið er upp á í flugvélum. Þær tegundir þjónustu sem um ræðir eru:
GSM, Global System for Mobile Communications, sem er hin almenna farnetsþjónusta fyrir tal og að einhverju leyti SMS-skeyti
LTE, Long Term Evolution, sem er fjórða kynslóð farnetsþjónustu fyrir farsíma, eða 4G
UMTS, sem er þriðja kynslóð farnetsþjónustu fyrir farsíma Universal Mobile Telecommunications System, eða 3G
CEPT sem er samstarfsvettvangur póst- og fjarskiptaeftirlitsstofnana í Evrópu komst að þeirri niðurstöðu að hægt væri að reka MCA þjónustu um borð, án NCU, fyrir GSM og LTE farnetskerfið með nægilegu truflanaöryggi fyrir slík farnetskerfi á jörðu niðri. Því er notkun NCU valkvæð fyrir þau farsíma og farnetskerfi. Af því leiðir að ekki verður lengur nauðsynlegt að hindra tengingu farsíma/snjallsíma með NCU við farnet á jörðu á tíðnibandinu 2.570-2.690 MHz.
Hinsvegar var niðurstaða CEPT jafnframt sú að fyrir UMTS-kerfið væri áfram nauðsynlegt að nota NCU til að hindra farsímar í flugvélum tengist UMTS sendum á jörðu og valdi þannig truflunum.
Breytingin felur í sér einföldun á rekstri MCA farnetsþjónustu í flugvélum.