Ákvörðun E5 um hagnýtt fyrirkomulag varðandi aðlögunartímabil vegna rafrænnar upplýsingamiðlunar - 32017D0719(01)

Ákvörðunin byggir aðallega á 4. gr. rg. (EB) nr. 987/2009 þar sem kveðið er á um að sending upplýsinga milli stofnana eða samskiptastofnana skuli vera með rafrænum hætti og á 95. gr. sömu reglugerðar þar sem lagt er fyrir framkvæmdaráðið um samhæfingu almannatryggingakerfa að mæla fyrir um hagnýtt fyrirkomulag vegna nauðsynlegra aðlögunartímabila vegna upptöku rafrænnar miðluanar upplýsinga við framkvæmd grunnreglugerðarinnar (rg. (EB) nr. 883/2004) og framkvæmdarreglugerðarinnar (rg. (EB) nr. 987/2009). M.a. er kveðið á um að meðan á aðlögunartímabilinu stendur geti ríkin sjálf ákveðið hvenær þau séu reiðubúin að tengjast rafrænum upplýsingaskiptum, hvort heldur að hluta eða að öllu leyti. Kveðið er á um að stofnanir skuli á tímabilinu hafa með sér gott samstarf á raunsæjan og sveigjanlegan hátt. Frá því að reglugerðir nr. (EB) 883/2004 og nr. (EB) 987/2009 tóku gildi, komu pappírsútgáfur af rafrænum skjölum (SED) í stað E-eyðublaða en skv. ákvörðuninni er ríkjum sem þegar búa til E-eyðublöð á rafrænan hátt heimilað að halda því áfram á aðlögunartímabilinu og stofnunum er gert skylt er að taka upplýsingar frá öðrum stofnunum til greina þótt þær séu veittar á úreltu formi. Ríkin mega taka upp rafræna upplýsingamiðlun með sveigjanlegum hætti þegar þau tengjast tengipunktinum. Rafræn upplýsingamiðlun eftir sviðum verður tekin upp smám saman og í þeirri röð sem framkvæmdaráðið ákveður. Ríkin eiga að taka hana upp eins fljótt og tæknileg aðlögun þeirra leyfir. Tekið er fram að það að vera tilbúið til rafrænnar upplýsingamiðlunar á tilteknu sviði þýði að geta bæði sent og tekið á móti upplýsingum rafrænt. Gerður verður listi yfir það á hvaða sviði ríki sé tilbúið til rafrænnar upplýsingamiðlunar.

Þessi ákvörðun kemur í stað ákvörðunar framkvæmdaráðsins nr. E1 frá 12. júní 2009 sem felld var undir EES-samninginn með ákvörðun sameiginlegu EES-nefndarinnar nr. 76/2011.