32017D2077

Með ákvörðun framkvæmdastjórnarinnar nr. 2005/50/EC voru samræmd þau tæknilegu skilyrði sem nauðsynleg voru til að aðangur að 24 GHz tíðnirófinu og skilvirk notkun þess fyrir skammdræg og sjálfvirk ratsjártæki gæti orðið. Slík tæki eru notuð til að vara bílstjóra við yfirvofandi árekstri. Í ákvörðun 2005/50 var ríkjum Evrópusambandsins gert skylt að gefa framkvæmdastjórninni árlega upplýsingar um hve mörg ökutæki væru búin slíkum ratsjártækjum sem jafnframt notuðu þetta tiltekna svið tíðnirófsins. Þetta var gert til að fylgjast með truflunum sem hugsanlega yrðu af notkun slíkra tækja í bílum. Þar sem mjög lítið er um slíkar truflanir er ætlunin nú að kalla sérstaklega eftir skýrslum gerist þess þörf í stað þess að hafa áfram skyldu að skila þeim á reglulega. Sú ákvörðun er gerð kunn í þessari tilteknu ákvörðun.
Umræddur hluti tíðnisviðsins, 24 GHz, er notaður fyrir fastasambönd á Íslandi eins og annars staðar í Evrópu. Í ákvörðuninni er eingöngu verið að fjalla um tiltekna notkun tíðnirófsins. Mjög umfangsmiklar rannsóknir og athuganir erlendis hafa sýnt fram á að engin hætta er talin á truflunum, þótt tímabundin notkun fyrir SRR á þessu tíðnisviði verði leyfð. Engin ástæða er því til að ætla að umrædd notkun geti valdið truflunum við notkun annarra þráðlausra fjarskipta hér á landi. Þá er ekki ástæða til að ætla að umrædd notkun muni hafa áhrif á fjarskiptamarkaðinn hér á landi. Hættan á Íslandi er jafnvel minni en annarssaðar í Evrópu að teknu tilliti til fjölda bifreiða og fastasambanda hér á landi miðað við þéttbýl svæði í Evrópu.