32017L0159

Markmið sem að er stefnt: Markmiðið er að bæta vinnuskilyrði sjómanna og stuðla að vinnuvernd um borð í fiskiskipum sem sigla undir fána EES ríkja.
Aðdragandi: Þann 14. júní 2007 var gerð samþykkt hjá Alþjóðavinnumálastofnuninni um vinnu við fiskveiðar, táknuð ILO188. Þann 21. maí 2012 var gerður samningur milli Samtaka samvinnufélaga í landbúnaði í Evrópusambandinu (Cogeca), Sambands félaga flutningaverkamanna í Evrópu (ETF) og Bandalags landssamtaka fiskveiðifyrirtækja í Evrópusambandinu (Europêche) um innleiðingu samþykktarinnar innan Evrópusambandsins.
Gildistaka: Gerðinni var ætlað að taka gildi þegar ofangreind samþykkt Alþjóðavinnumálastofnunarinnar um vinnu við fiskveiðar frá 2007 hafði tekið gildi. Hún tók gildi 16. nóvember 2017 eftir að 10 aðildarríki höfðu fullgilt hana.
Hins vegar er kveðið á um það í 4. gr. tilskipunarinnar að ríki Evrópusambandsins skuli hafa innleitt laga-, reglugerðar- og stjórnvaldsfyrirmæli sem nauðsynleg eru til að framfylgja tilskipuninni fyrir 15. nóvember 2019.
Efnisútdráttur: Tilskipunin felur í sér innleiðingu á ofangreindum samningi en með henni er innleidd samþykkt ILO188 frá 2007. Í samþykktinni eru gerðar ýmsar bætur á lágmarksréttindum sjómanna. Þar má nefna að lágmarksaldur sjómanna hækkar um eitt ár, kröfur um aðbúnað skipverja eru hertar að einhverju leyti og sjómenn öðlast rétt til að láta greiða laun sín til fjölskyldu sinnar án kostnaðar. Þá eru innleidd ákvæði um einkareknar ráðningarstofur sjómanna.
Umsögn: helstu breytingar, mati á umfangi, og áhrif hér á landi: Með lögum nr. 158/2019 um breytingu á lögum vegna alþjóðasamþykktar um vinnu við fiskveiðar voru gerðar breytingar til að unnt væri að fullgilda samþykkt Alþjóðavinnumálastofnunarinnar um vinnu við fiskveiðar (ILO 188). Tilskipun þessa þarf að innleiða með reglugerð.
Lagastoð fyrir innleiðingu gerðar: Lagastoð fyrir reglugerðarbreytingum er að finna í 2. og 3. mgr. 8. gr. og 3. mgr. 30. gr. sjómannalaga nr. 35/1985 og 3. gr. a og 8. gr. a laga um áhafnir íslenskra fiskiskipa, varðskipa, skemmtibáta og annarra skipa nr. 30/2007 sem og 4. mgr. 3. gr. laga um eftirlit með skipum nr. 47/2003Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Enginn annar en almennt leiðir af fylgni við lög.
Skörun við starfssvið annarra ráðuneyta: Óveruleg skörun við félagsmálaráðuneytið að því leyti sem vinnuvernd sjómanna og atvinnuþátttaka ungmenna heyrir undir það ráðuneyti
Tilgreining á hagsmunaaðilum: Hagsmunasamtök og stéttarfélög sjófarenda svo sem félag vélstjóra og málmtæknimanna, sjómannafélög, félag skipstjórnarmanna sem og hagsmunasamtök útgerða (SFS) og útgerðir.
Horizontal issues: -Sektir, -Aðrar refsingar, -Stofnanir, -Lönd utan EES: Nei
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei