32017L0774

Í tilskipun 2009/48 um öryggi leikfanga er framkvæmdastjórninni veitt heimild til að aðlaga viðauka tilskipunarinnar eftir því sem ný þekking berst. Vísbendingar hafa komið fram um að það magn ýmissa efna sem smitast í líkama barna frá leikföngum sé meira en áður var talið. Eitt þessara efna er Phenol. Phenol er lífrænt efni sem upprunalega var unnið úr tjöru en er í dag að mestu unnið úr jarðolíu. Efnið er notað að mestu sem hráefni til framleiðslu plasts. Hér eru því lagðar til breytingar á 13. grein tilskipunarinar þar sem fjallað er um sérstakar öryggiskröfur. Breytingin sem lögð er til er sú að sett verði hámark á leyfilegt magn Phenol í leikföngum en efnið hefur ekki verið háð takmörkunum hingað til.
Hér á landi verða hverfandi áhrif þó tillagan verði samþykkt að öðru leyti en því að öryggis barna verður betur gætt..
Í viðbæti C í viðauka II er hægt að setja sértæk viðmiðunarmörk fyrir íðefni sem notuð eru í leikföng, sem ætluð eru börnum yngri en 36 mánaða eða önnur leikföng sem gert er ráð fyrir að notendur setji upp í sig, sem samþykkt er í samræmi við 2. mgr. 46. gr. tilskipunar 2009/48/EB, um öryggi leikfanga. Í nefndri 2. mgr. 46. gr. tilskipunar 2009/48/EB, um öryggi leikfanga segir að framkvæmdastjórnin geti samþykkt sérstök viðmiðunarmörk fyrir íðefni í leikföngum sem ætluð eru börnum yngri en 26 mánaða eða í öðrum leikföngum sem gert er ráð fyrir að notendur setji upp í sig, að teknu tilliti til krafna um matvælaumbúðir sem mælt er fyrir um í reglugerð (EB) nr. 1935/2004 og tengdra sértækra ráðstafana fyrir tiltekin efni og einnig mismun á milli leikfanga og efna sem komast í snertingu við matvæli. Einnig segir að þær ráðstafanir sem ætlað er að breyta veigalitlum þáttum tilskipunarinnar með því að bæta við hana skuli samþykktar í samræmi við reglugerðarmeðferðina sem um getur í 2. mgr. 47. gr. tilskipunarinnar.
Efni CAS No. Viðmiðunarmark
Phenol 108-95-2 5 mg/l (migration limit) in polymeric materials in accordance with the methods laid down in in EN 71-10:2005 and EN 71-11:2005.
10 mg/kg (content limit) as preservative in accordance with the methods laid down in EN 71-10:2005 and EN 71-11:2005.