32017R0306

Markmiðið með gerðinni er að bæta öryggi á sjó og koma í veg fyrir mengun sjávar með því að beita, á einsleitan hátt alþjóðlegum gerningum um búnað um borð í skipum sem skráð eru innan EES- svæðisins. Þá er jafnframt markmiðið að tryggja frjálsan flutning slíks búnaðar innan Sambandsins. Reglugerðin nær til allra skipa annarra en fiskiskipa.
Í tilskipun 2014/90/ESB er mælt fyrir um að stjórnvöld fánaríkis verði að samþykkja þann búnað um í skipum sem alþjóðasamningar ná til. Í tilskipun 2014/90 er jafnframt mælt fyrir um að framkvæmdastjórnin skuli tilgreina kröfur um hönnun, smíði og nothæfi og prófunarstaðla sem gerðar eru til hvers hluta búnaðar í skipum sem stjórnvöld fánaríkis verða að samþykkja. Þetta skal framkvæmdastjórnin gera með framkvæmdareglugerðum.
Í samræmi við það eru í reglugerð 2017/306 tilgreindar kröfur um hönnun, smíði, nothæfi og prófunarstaðla sem kveðið er á um í alþjóðlegum gerningum.
Með gerðinni eru gerðar tæknilegar kröfur til skipsbúnaðar í samræmi við alþjóðlegar kröfur. Gerðin hefur ekki í för með sér sérstakar breytingar hér á landi umfram almenna þróun í kröfum til skipsbúnaðar. Hér á landi eru ekki aðilar sem tilkynntir hafa verið sem lögformlegir til prófana.