32017R1151

Almennt: Reglugerð framkvæmdastjórnarinnar 2017/1151 er nánari útfærsla á reglugerð Evrópuþingsins og ráðsins (EB) nr. 715/2007 um gerðarviðurkenningu léttra farþega- og atvinnu ökutækja með tilliti til losunar gróðurhúsalofttegunda, e. (Euro 5 og Euro 6). Í henni eru sértæk tæknileg ákvæði sem nauðsynleg eru til að framkvæma reglugerð (EB) nr. 715/2007. Þá er reglugerðin um aðgang að upplýsingum um viðgerðir og viðhald ökutækja. Með reglugerðinni er breytt tilskipun Evrópuþingsins og ráðsins 2007/46/EB, reglugerð framkvæmdastjórnarinnar (EB) nr. 1230/2012 og reglugerð framkvæmdastjórnarinnar nr. 692/2008.
Efni: Reglugerðin er um nýja aðferð World Harmonised Light Vehicles Test Procedure (WLTP) sem notuð verður til að mæla losun koltvísýrings og eldneytislosun léttra ökutækja í stað eldri aðferðar New European Test Cycle (NEDC) sem mælt var fyrir um í reglugerð 692/2008. Nýja aðferðin er talin gefa raunverulegri mynd af eldsneytisnotkun og koltvísýringslosun ökutækja en eldri aðferð
Í 3. mgr. 14. gr. reglugerðar (ESB) nr. 715/2007 er kveðið á um að framkvæmdastjórnin skuli stöðugt endurskoða verklagsreglur og prófanirnar sem gerðar eru á ökutækjum þegar settar eru kröfur til þeirra í gerðarviðurkenningum. Leiði sú endurskoðun í ljós að verklagsreglur, prófanirnar og kröfur séu ekki lengur fullnægjandi eða endurspegli ekki lengur raunverulega losun skal þeim breytt þannig að þær endurspegli á fullnægjandi hátt losunina sem á sér stað við raunverulegan akstur á vegum.
Á grundvelli þeirrar stöðugu endurskoðunar sem að framan getur er ljóst að upplýsingar um eldsneytisnotkun og losun koltvísýrings samkvæmt mælingum með New European Test Cycle (NEDC) prófunaraðferð er ekki lengur fullnægjandi og endurspeglar ekki raunverulega losun koltvísýrings. Í ljósi þess er rétt að kveða á um innleiðingu á nýrri prófunaraðferð World Harmonised Light Vehicles Test Procedure (WLTP) í löggjöf Evrópusambandsins.
Efnisútdráttur: Reglugerðin felur í sér að ný lögboðin prófunaraðferð (WLTP) til mælinga á koltvísýringsnotkun og eldsneytislosun léttra ökutækja verði tekin í notkun og leysi af hólmi eldri prófunaraðferð (NEDC). Í reglugerð (ESB) 2017/1151 er mælt fyrir um ráðstafanir til framkvæmda á reglugerð (ESB) nr. 715/2007.
Umsögn: Engir framleiðendur ökutækja á Íslandi og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.