32017R2400

Almennt: Um er að ræða reglugerð framkvæmdastjórnarinnar (EB) 2017/2400 um framkvæmd á reglugerð Evrópuþingsins og ráðsins (EB) nr. 595/2009 að því er varðar ákvörðun á losun koltvísýrings og eldsneytisnotkun þungra ökutækja og um breytingu á tilskipun Evrópuþingsins og ráðsins 2007/46/EB og reglugerð (ESB) nr. 582/2011.
Reglugerð (EB) nr. 595/2009 er sérreglugerð um gerðarviðurkenningaraðferð Bandalagsins sem mælt er fyrir um í tilskipun 2007/46/EB. Á grundvelli hennar er framkvæmdastjórninni kleift að samþykkja ráðstafanir um losun koltvísýrings og eldsneytisnotkun þungra ökutækja.
Ákvæðin sem sett eru fram með þessari reglugerð sem hér er til umfjöllunar eru hluti af ramma sem settur var með með tilskipun 2007/46/EB og viðbót við þau ákvæði gerðarviðurkenningar er snúa að losun, viðgerðum og viðhaldi upplýsinga um ökutækið sem mælt er fyrir um í reglugerð (ESB) nr. 582/2011. Til að koma á skýrum tengslum milli þeirra ákvæða og þessarar reglugerðar verður að breyta tilskipun 2007/46/EB og reglugerð nr. 582/2011 til samræmis.
Efnisútdráttur: Þessi reglugerð EB 2017/2400 miðar að því að gera ráðstafanir til að fá nákvæmar upplýsingar um losun koltvísýrings og eldsneytisnotkun nýrra þungra ökutækja sem sett eru á Evrópumarkað. Fram til þessa hefur engin sameiginleg aðferð verið í löggjöf Evrópusambandsins til að meta losun koltvísýrings og eldsneytislosun þungra ökutækja. Því hefur ekki verið gagnsæi á markaðnum um orkunýtingu þungaflutningabifreiða. Í reglugerðinni er kveðið á um notkun hermiprófunartækis til að mæla losun og eldsneytisnotkun þungra ökutækja.
Þar sem enginn hugbúnaður er til staðar á markaðnum til að uppfylla þær kröfur sem nauðsynlegar eru við mat á losun koltvísýrings og eldsneytisnotkun þungaflutningabifreiða, ætti framkvæmdastjórnin að þróa sérstakan hugbúnað til notkunar í þeim tilgangi. Prófanirnar skulu gerðar af framleiðendum ökutækja fyrir skráningu, sölu eða notkun. Með reglugerðinni verða til reglur um útgáfu leyfa til að starfrækja tæki til hermiprófana til að meta losun og eldsneytisnotkun frá nýjum ökutækjum.
Áhrif: Engir framleiðendur ökutækja á Íslandi eins og er og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn.