32018D1538

Almennt: Í gildandi ákvörðun framkvæmdastjórnarinnar 2006/771/EC eru samræmdar reglur fyrir notkun tíðnisviðsins, þ.m.t. fyrir skammdrægan búnað (SRD). Ákvæði þeirrar ákvörðunar ná hins vegar ekki til þess tíðnisviðs sem hér er lagt til að verði samræmt. Með nýjum og fullkomnari skammdrægum búnaði (SRD) hefur skapast þörf til að samræma tíðnisviðið á gildissvæði 2006/771/EC.
Megintilgangur með þeirri breytingu sem hér er gerð er að samræma reglur um skammdrægan búnaði sem nýtir 874-876 og 815-921 MHz tíðnisviðið. Hér getur verið um að ræða viðvörunarbúnað, staðbundinn fjarskiptabúnað, hurðaopnarar, læknisfræðilegan búnað og ýmis konar snjallbúnað í flutningum. Slíkur búnaður er þegar til og fjöldaframleiddur víða. Hann er auðvelt að flytja milli landa. Misræmi í tíðnisviði sem þessi búnaður notar getur hindrað flutning hans milli landa, aukið framleiðslukostnað búnaðarins og valdið truflunum á tíðnisviði þegar hann er notaður á tíðnisviði sem óheimilt er að nota í viðkomandi landi.
Skipulag tíðnirófsins er í höndum Póst- og fjarskiptastofnunar sbr. 14. gr. laga nr. 81/2003 um fjarskipti og reglugerð 104/2011 um skipulag og úthlutun tíðna í fjarskiptum. Um þetta efni gildir einnig reglugerð nr. 90/2007 um þráðlausan búnað og notendabúnað til fjarskipta og gagnkvæma viðurkenningu á samræmi þeirra.
Áhrif: Áhrif hér á landi verða góð í samræmi við það sem segir í umsögn. Kostnaður mun ekki hljótast af upptöku gerðarinnar og innleiðingu hér á landi.