32018L1846

Efnisútdráttur: Með tilskipuninni er verið að innleiða nýjustu breytingu á ADR-samningnum í Evrópurétt í þeim tilgangi að tryggja að tilskipun 2008/68/EB taki mið af og vísi hverju sinni til nýjustu útgáfu alþjóðasamningsins sem um ræðir. ADR samningurinn heitir fullu nafni The European Agreement concerning the International Carriage of Dangerous Goods by Road. Hann er gerður fyrir tilstuðlan Sameinuðu þjóðanna.
Með tilskipun 2008/68/EB eru innleiddar reglur ADR-samningsins um millilandaflutninga á hættulegum farmi á vegum í Evrópusambandinu. Ákvæði tilskipunarinnar ná einnig til RID-samningsins, Regulation concerning the International Carriage of Dangerous Goods by Rail, og ADN-samningsins, European Agreement concerning the International Carriage of Dangerous Goods by Inland Waterways. Þeir samningar eru samskonar samningar og ADR-samningurinn en eiga við um flutninga á skipgengum vatanaleiðum, ADN, og með járnbrautum, RID.
Ákvæði þessara alþjóðasamninga eru uppfærð annað hvert ár. Síðustu útgáfur þessara samninga skulu koma til framkvæmda frá og með 1. janúar 2019. Yfirfærslutímabil er til 30. júní 2019. Breytingarnar eru í samræmi við álit nefndarinnar um flutning á hættulegum farmi.
Hér á landi eiga eingöngu við ákvæði ADR-samningsins. Eingöngu er verið að gera minniháttar orðalagsbreytingar. Breytingin hefur lítil áhrif hér á landi.
Kostnaður við innleiðingu þessarar reglugerðar er metinn óverulegur sem enginn.
Lagastoð fyrir innleiðingu gerðar: Lagastoð er að finna í 2. mgr. 50. gr., 1. mgr. 60. gr. og 5. mgr. 73. gr. umferðalaga nr. 50/1987. Rétt væri að tilskipunin yrði innleidd með reglugerð nr. 1077/2010 um flutning á hættulegum farmi á landi.