32018R0295

Almennt: Markmiðið með gerðinni er að uppfæra tæknilegar kröfur og prófunaraðferðir samkvæmt gerðarviðurkenningarkerfi fyrir ökutæki í L-flokki sem fram koma í reglugerðum ESB nr. 44/2014 og ESB nr. 134/2014. Ökutæki í L-flokki eru hjól á tveimur, þremur eða fjórum hjólum.
Aðdragandi: Reglugerðir ESB nr. 44/2014 og nr. 134/2014 voru settar til fyllingar reglugerð ESB 168/2013 að því er varðar kröfur um smíði ökutækja og almennar kröfur vegna viðurkenningar á ökutækjum á tveimur eða þremur hjólum og fjórhjólum. Til að tryggja skilvirkni evrópska gerðarviðurkenningarkerfisins skal stöðugt bæta þær tæknilegu kröfur og prófunaraðferðir sem settar eru fram með þeim gerðum.
Efnisútdráttur: Um er að ræða reglugerð framkvæmdastjórnar ESB um breytingu á reglugerðum ESB nr. 44/2014 og ESB nr. 134/2013 að því er varðar kröfur um smíði ökutækja og almennar kröfur vegna viðurkenningar á ökutækjum á tveimur eða þremur hjólum og fjórhjólum og að því er varðar kröfur um vistvænleika og afköst knúningseiningar.
Reglugerðin kveður á um tilteknar breytingar á ákvæðum reglugerða ESB nr. 44/2014 og ESB nr. 134/2013 og viðaukum þeirra. Breytingarnar snúa meðal annars að breyttum útreikningsjöfnum sem skulu sannprófa að gerðarviðurkenningarkröfur séu uppfylltar sem og kröfur sem gerðar eru til að draga úr útblæstri. Breytingarnar eru gerðar á grundvelli skýrslu framkvæmdastjórnar Evrópuþingsins og ráðsins um alhliða rannsókn á umhverfisáhrifum Euro-þreps 5 fyrir ökutæki í L-flokki í samræmi við 4. mgr. 23. gr. reglugerðar ESB nr. 168/2013.
Umsögn: Engir framleiðendur ökutækja eru á Íslandi og hefur reglugerðin því lítil sem engin áhrif hér á landi eins og stendur. Kostnaður við innleiðingu þessarar reglugerðar er metinn óverulegur sem enginn. Tengsl við umhverfisráðuneyti en ekki bein skörun.