32018R0986

Aðdragandi: Framkvæmdarreglugerð framkvæmdastjórnarinnar (ESB) 2015/504 frá 11. mars 2015 um framkvæmd reglugerðar Evrópuþingsins og ráðsins (ESB) nr. 167/2013 að því er varðar stjórnsýslukröfur um viðurkenningu á og markaðseftirlit með ökutækjum fyrir landbúnað og skógrækt var innleidd með breytingu á reglugerð nr. 822/2004 um gerð og búnað ökutækja. Í henni er mælt fyrir um gerð sniðmáta fyrir tiltekin skjöl með tilliti til viðurkenningar á markaðseftirliti með ökutækjum fyrir landbúnað og skógrækt.
Með reglugerð Evrópuþingsins og ráðsins (ESB) 2016/1628 frá 14. september 2016 um kröfur um losunarmörk mengandi lofttegunda og efnisagna og gerðarviðurkenningu brunahreyfla fyrir færanlegan vélbúnað til nota utan vega, er felld úr gildi tilskipun Evrópuþingsins og ráðsins nr. 97/68/EB og innleidd ný losunarmörk fyrir mengandi lofttegundir og agnir (5. stig) frá brunahreyflum færanlegra véla sem ekki eru notaðar á vegum.
Samkvæmt 19. gr. reglugerðar Evrópuþingsins og ráðsins (ESB) nr. 167/2013 frá 5. febrúar 2013 um viðurkenningu á og markaðseftirlit með ökutækjum fyrir landbúnað og skógrækt munu 5. stigs losunarmörk sem um getur í Viðauka II við reglugerð ESB nr. 2016/1628 einnig gilda um ökutæki fyrir landbúnað og skógrækt. Beiting nýrra losunarmarka er í samræmi við tímatöflu sem fram kemur í Viðauka III við reglugerð ESB nr. 2016/1628.
Það er því nauðsynlegt að breyta þeim sniðmátum sem sett eru fram í framkvæmdarreglugerð ESB nr. 2015/504, í þeim tilgangi að aðlaga þau sniðmát og samræma þeim mátum sem sett eru fram í framkvæmdarreglugerð framkvæmdastjórnarinnar nr. 2017/656/ESB.
Í þeim tilgangi að fínvinna stjórnsýslukröfurnar ættu minniháttar viðbótarbreytingar á framkvæmdarreglugerð ESB nr. 2015/504 að vera gerðar með tilliti til viðurkenningar á rafmagns- eða rafeindaundireiningum sem íhluta, og til að krefjast heildstæðari upplýsinga með tilliti til gerðarviðurkenningar á gírskiptingu og hemlakerfi ökutækis í eftirdragi.
Aðgerðir þær sem kveðið er á um í reglugerð þessari eru í samræmi við álit nefndarinnar sem um getur í 1. mgr. 69. gr. reglugerðar (ESB) nr. 167/2013.
Umsögn, helstu breytingar, mati á umfangi, og áhrif hér á landi: Um er að ræða breytingar á núverandi reglum hvað varðar mengunarstaðla, og eru þeir staðlar athugaðir við forskráningu ökutækis í ökutækjaskrá. Kröfur verða gerðar til framleiðenda um að ökutæki séu framleidd í samræmi við umrædda staðla sem fram koma í reglugerð þessari. Í ljósi þess að Ísland er ekki í hópi framleiðsluríkja, hefur reglugerð þessi óverulega þýðingu hér á landi.
Lagastoð: Lagastoð er í 60. gr. umferðarlaga nr. 50/1987. Gerðin verður innleidd með breytingu á reglugerð nr. 822/2004 um gerð og búnað ökutækja.