32018R1648

Gerðin varðar reglugerð (ESB) nr. 2015/2283 um markaðssetningu og notkun á nýfæði innan Evrópusambandsins og framkvæmdareglugerð 2017/2470 sem kveður á um lista Sambandsins yfir leyfilegt nýfæði.

Í maí 2016 barst lögbærum yfirvöldum í Ungverjalandi fyrirspurn um markaðssetningu á xýló-fásykrum sem nýfæðis til notkunar í matvæli. Sótt var um notkun á efninu í bökunarvörur, mjólkurvörur, ávaxta-smurálegg, súkkulaði og sojadrykki. Umsóknin var með vísan til reglugerðar Evrópuþingsins og ráðsins (EB) nr. 258/97, en uppfyllir einnig ákvæði reglugerðar (ESB) 2015/2283.

Í frummati lögbærra yfirvalda kom fram að þau teldu xýló-fásykrur uppfylla skilyrði fyrir nýfæði í reglugerð nr. 258/97.

Álitið var sent til meðlima Sambandsins eins og reglugerðin gerir ráð fyrir. Nokkur ríki gerðu athugasemdir vegna stöðugleika efnisins, áætlaða neyslu og eiturefnafræðilega eiginleika.

Í ljósi athugasemdanna óskaði framkvæmdastjórnin álits Matvælaöryggisstofnunar Evrópu (EFSA) á öryggi efnisins til notkunar í matvæli.

EFTA skilaði áliti þar sem fram kemur að xýló-fásykrur teljist öruggar til notkunar sem nýfæði í því magni sem fram kemur í umsókninni og uppfylli skilyrði reglugerðar (ESB) 2015/2283.

Álitið EFSA gefur tilefni til að heimila notkun á xýló-fásykrum sem nýfæði til notkunar í bökunarvörur, mjólkurvörur, ávaxtasmurálegg, súkkulaði og sojadrykki og skulu því færðar á lista Sambandsins yfir leyfilegt nýfæði.
Notkun á xýló-fásykrum í mjólkurvörur skal einnig vera í samræmi við reglugerð reglugerð Evrópuþingsins og ráðsins (ESB) nr. 1308/2013 um mjólk og mjólkurvörur.

Viðauka við framkvæmdareglugerð (ESB) 2017/2470 er breytt í samræmi við viðauka við þessa reglugerð og með þeim skilyrðum sem þar koma fram.