32019D0785

Hröð tækniþróun kallar á að ákvörðun 2007/131/EC, um samhæfingu tíðnirófsins, verði felld úr gildi og ný ákvörðun tekin. Þetta er talið nauðsynlegt svo neytendur geti notið nýrrar tækni án þess að það komi niður á öðrum notendum tíðnisviðsins. Ákvörðun 2007/131/EC fjallar um notkun tíðnisviðsins með UWB tækni, Ultra Wide Band. Búnaðurinn sem ákvörðunin tekur til er m.a. fjarskiptabúnaður sem notaðar er í bílum, lestum, staðsetningarbúnaði, sem og í byggingargeiranum, þ.e. svokölluð material sensing devices.
Með þessari nýju ákvörðun á að einfalda reglur sem gilda á sviðinu. Talið er nauðsynlegt nú að fella úr gildi ávörðun 2007/131/EC en henni hefur verið breytt nokkrum sinnum. Meðal annars á að samræma tíðnisvið fyrir búnað sem notar ultra-wideband tækni til að koma í veg fyrir að slík tækni valdi truflunum í tíðnisviðinu. Þá er ákvörðuninni ætlað að stuðla að heildar samræmingu á reglusviði er tengist ultra-wideband tækninni og þannig m.a. auðvelda þróun nýrra lausna á þessu sviði. Þá er ætlunin að samræma enn frekar og skýra þær reglur sem skulu gilda um ultra-wideband tæknina frá eldri ákvörðun nr. 2007/131/EC, sem gilt hefur hér á landi. Afar mikilvægt er að þessar kröfur séu samræmdar eins og kostur er. Ekki verður séð að kostnaður hljótist af hinni nýju ákvörðun.
Við fyrri ákvörðun var í gildi aðlögun fyrir Noreg og Ísland. Aðlögunin:
“Iceland and Norway shall be exempted from allowing the use of the 6.0 to 8.5 GHz band by equipment using ultra-wideband technology onboard aircraft.”
Ástæðan var að notkun þessara tíðna um borð í flugvélum hefði getað orsakað truflanir við aðra notkun sömu tíðna í nágrenni flugvalla.
Þessarar aðlögunar er ekki þörf lengur fyrir Ísland.