32019R0123

Markmið sem að er stefnt: Í reglugerð (EB) nr. 551/2004 er kveðið á um skipulag og notkun loftrýmis í samevrópska loftrýminu. Sú reglugerð gildir í loftrými Alþjóðaflugmálastofnunarinnar innan Evrópusvæðis (ICAO EUR) og Afríku- og Indlandshafssvæðis (ICAO AFI). Með þeirri reglugerð sem hér er til umræðu og sett er með stoð í reglugerð nr. 551/2004 er kveðið á um starfsemi neta við rekstrarstjórnun flugumferðar, m.a. í þeim tilgangi að tryggja hámarksnýtingu loftrýmisins, sem og að aðstoða aðildarríki ESB við að ná markmiðum um afköst.
Þá er verið að setja kröfur um netstjórnandann, network manager, en í dag er það Eurocontrol sem gegnir því hlutverki.
Áður hefur verið kveðið á um kröfur til starfsemi neta og til netstjórnanda í reglugerð (ESB) nr. 677/2011, en með þeirri reglugerð sem hér er til umræðu er einkum verið að skýra og styrkja hlutverk og valdheimildir netstjórnanda, í því skyni að ná betur frammistöðumarkmiðum um stjórnun flugumferðar.
Þar sem gildissvið umræddrar reglugerðar takmarkast á sama hátt og fyrri reglugerð (ESB) nr. 677/2011 við EUR loftrými Alþjóðaflugmálastofnunarinnar, kemur hún að óbreyttu ekki til framkvæmda hér á landi.
Í aðlögun sem Ísland fékk við innleiðingu SES II í EES samninginn, kemur fram að tryggja skuli samræmi við hið Evrópska leiðarkerfi eða það leiðarkerfi sem sett hefur verið á fót í Norður-Atlantshafssvæði ICAO, og hefur það hingað til virkað vel fyrir Ísland.
Samgöngustofa hefur fengið afstöðu Isavia ohf. til þess hvort félagið óski eftir að gerðar séu ráðstafanir til þess að reglugerðin komi til framkvæmda á Íslandi. Afstaða Isavia var sú í janúar 2019 að félagið teldi ekki þörf á því.
Umsögn, helstu breytingar, mat á umfangi, og áhrif hér á landi: Reglugerðin hefur ekki áhrif hér landi.
Lagastoð fyrir innleiðingu gerðar: Gerðina er rétt að innleiða með stoð í 57. gr. a, sbr. 145. gr. laga um loftferðir nr. 60/1998. Innleiðing færi fram með breytingu á reglugerð nr. 1125/2014 um frammistöðukerfi fyrir flugleiðsöguþjónustu og starfsemi neta.