32019R0225

Listinn í viðauka við reglugerðina er miðlægur upplýsingagrunnur um alla flugrekendur sem falla undir gildissvið viðskiptakerfisins. Hann hefur jafnframt það hlutverk að flokka flugrekendur niður á umsjónarríki eftir þeim reglum sem fram koma í fyrrnefndri tilskipun. Reglur um umsjónarríki eru í grófum dráttum þessar: Flugrekendur sem skráðir eru innan EES falla undir það ríki sem gaf flugrekstrarleyfi þeirra út. Flugrekendur frá ríkjum utan EES raðast hins vegar niður á umsjónarríki eftir því hvert má rekja meirihluta af losun þeirra innan viðskiptakerfisins árið 2006.

Í viðaukan við reglugerð framkvæmdastjórnarinnar nr. 748/2009 (EB) er Bretland tilgreint sem umsjónarríki fyrir tiltekna flugrekendur. Afturköllun Bretlands frá Sambandinu myndi, án sérstakra ákvæða, leiða til þess að Bretland gæti ekki lengur talist umsjónarríki í skilningi 18. gr. A í tilskipun 2003/87 (EB). Ef ekki er gerður samningur um afturköllun við Bretland er því nauðsynlegt að breyta viðaukanum við reglugerð nr. 748/2009 (EB) til að tilgreina umsjónaraðildarríkin fyrir þá flugrekendur.

Í samræmi við 3. mgr. 4. gr. reglugerðar (EEC, Euratom) nr. 1182/71 frá Evrópuráðinu um ákvörðun reglna sem gilda um tímabil, dagsetningar og tímamörk, er hætt við beitingu aðgerða sem eru ákveðnar á tilteknum degi þegar liðið er síðastu klukkustund dagsins sem fellur niður þann dag. Reglugerð þessi ætti því að gilda frá þeim degi sem reglugerð nr. 748/2009 (EB) hættir að gilda fyrir Bretland skv. 3. mgr. 50. gr. Sáttmálans um Evrópusambandið.

Reglugerðin kemur til framkvæmda sem brýnt erindi (e. matter of urgency) og tekur aðeins gildi ef ekki verður um afturköllunarsamning við Bretland að ræða.
Breytingin felur í sér að viðauka við reglugerð 748/2009 er breytt.

Fyrir Ísland myndi það þýða að fjöldi flugrekenda í umsjá íslenska ríkisins fer úr 241 talsins upp í 368. Ekki er vitað hversu margir af þessum flugrekendum sem koma nýir inn falla undir ETS kerfið þar sem staða þeirra er ekki þekkt.