32019R0317

Markmið sem að er stefnt: Ákvæði um frammistöðukerfi í hinu sameiginlega evrópska loftrými miða að því að auka afköst flugleiðsöguþjónustu og virkni neta, auk þess sem markmið með gjaldtökukerfisákvæðunum er að koma á árangursríkri beitingu frammistöðukerfisins.
Aðdragandi: Í Framkvæmdarreglugerð framkvæmdastjórnarinnar (ESB) 2019/317 eru útfærðar kröfur um frammistöðukerfi og um sameiginlegt gjaldtökukerfi í flugleiðsögu. Grunnkröfur um það efni er m.a. að finna í stofnreglugerðum hins sameiginlega evrópska loftrýmis. Kröfurnar eru einkum að finna í tveimur reglugerðum. Annars vegar í reglugerð (EB) nr. 549/2004 setningu rammaákvæða um að koma á samevrópsku loftrými, með síðari breytingum. Hins vegar í reglugerð nr. 550/2004 um að veita þjónustu á sviði flugleiðsögu í samevrópska loftrýminu, með síðari breytingum. Ákvæðin um frammistöðukerfi og gjaldtökukerfi í sameiginlega evrópska loftrýminu eiga að mörgu leyti ekki við Ísland vegna landfræðilegrar legu landsins. Því fékk Ísland aðlögun um beitingu frammistöðukerfa og gjaldtökukerfa, m.a. við hvað skyldi miðað við setningu markmiða.
Framkvæmdarreglugerðir framkvæmdastjórnarinnar (ESB) nr. 390/2013 um frammistöðukerfi fyrir flugleiðsöguþjónustu og starfsemi neta, og (ESB) nr. 391/2013 um sameiginlegt gjaldtökukerfi fyrir flugleiðsöguþjónustu höfðu að geyma nánari útfærslu á frammistöðukerfi og gjaldtökukerfi flugleiðsögu í samevrópska loftrýminu. Gildissvið reglugerðanna miðaðist þó við EUR/AFI svæðið og var þeim því aldrei beitt hér á landi.
Samgöngustofa hófst handa við gerð íslenskra reglugerða um efnið en þeirri vinnu er ekki lokið.
Efnisúrdráttur: Með reglugerð (ESB) 2019/317 er felld úr gildi reglugerðir (ESB) nr. 390/2013 um frammistöðukerfi fyrir flugleiðsöguþjónustu og starfsemi neta og reglugerð nr. 391/2013 um sameiginlegt gjaldtökukerfi fyrir flugleiðsöguþjónustu Tilgangurinn er að bæta úr ýmsum annmörkum sem reyndust vera á beitingu þeirra reglugerða, auk þess sem rétt þótti að setja eina heildstæða reglugerð um efnið. Miðast beiting reglugerðarinnar við 1. janúar 2020 en við það miðast upphaf þriðja viðmiðunartímabils frammistöðumarkmiða ESB.
Helstu breytingarnar frá reglugerðum 390/2013 og 391/2013 eru þær að stefnt er að einföldun framkvæmdar við setningu frammistöðumarkmiða og frammistöðukerfa og við samþykkt frammistöðuáætlunar ríkja. Auk þess er stefnt er að samræmi við reglugerð um starfsemi neta.
Breytingarnar á þeim ákvæðum sem eru um gjaldtökukerfi miða að því að skýra ákvæði um dreifingu áhættu, m.a. með dreifingu umferðar og kostnaðar, e. traffic and cost-sharing. Þá eru einnig ákvæði um hvatakerfi gerð skýrari.
Umsögn: Helstu breytingar, mat á umfangi og áhrif hér á landi: Þar sem gildissvið reglugerðarinnar takmarkast við EUR/AFI loftrýmið gildir hún ekki hér á landi. Ekki er skynsamlegt að beita reglugerðinni hér á landi. Í fyrsta lagi er ESB þegar komið á þriðja viðmiðunartímabil. Í öðru lagi eru árangursvísar og árangursmarkmið miðuð að umhverfi core Europe en ekki við það svæði sem Ísland er á.
Ljóst er að Ísland mun taka mið af ákvæðum reglugerðarinnar við þróun árangursáætlunar Íslands sem er í vinnslu. Sú vinna fer fram í nánu samstarfi við Isavia auk þess sem samráð er haft við notendur loftrýmis eins og við á.
Lagastoð fyrir innleiðingu gerðar: Ef ákvörðun verður tekin um beitingu er rétt að innleiða gerðina með stoð í 57. gr. a, sbr. 145. gr. laga um loftferðir nr. 60/1998. Innleiðing með breytingu á reglugerð um breytingu á reglugerð nr. 1125/2014 um frammistöðukerfi fyrir flugleiðsöguþjónustu og starfsemi neta
Mat eða tilgreining á kostnaði hins opinbera, sveitarfélaga og atvinnulífs, ef einhver er: Reglugerðinni verður ekki beitt á Íslandi. Því yrði kostnaður við innleiðingu hennar óverulegur fyrir Samgöngustofu.
Skörun við starfssvið annarra ráðuneyta: