32019R0413

Markmið sem að er stefnt: Markmiðið með reglugerðinni er að bregðast við útgöngu Bretlands úr Evrópusambandinu og gera þær breytingar á flugverndarráðstöfunum sem nauðsynlegar þykja. Ein af þeim forsendum sem reglugerðin byggir á er að Bretland verði sett á lista yfir þau ríki sem viðurkennt er að beiti jafngildum flugverndarráðstöfunum og EES ríkin beita. Bretland yrði þannig áfram hluti af One Stop Security kerfi, OSS, EES svæðisins.
Gert er ráð fyrir að One Stop Security verklagið verði viðhaft að öllu leyti við vernd loftfara, skimun farþega, handfarangurs og lestarfarangurs og farms vegna afgreiðslu flugvéla frá Bretlandi. Með öðrum orðum OSS sé beitt að fullu við breska flugrekendur og flugfélög.
Þá er í reglugerðinni kveðið nánar um hvaða ráðstafanir skuli gera vegna flugverndaraðila sem hlotið hafa viðurkenningu frá Bretlandi, s.s. hvað varðar tilnefningar á flugrekendum sem flytja farm eða póst inn á EES svæðið frá flugvelli í þriðja landi (ACC3- flugrekandi), og viðurkennda umboðsaðila með ESB fullgildingu flugverndar.
Nauðsynlegt er að reglugerðin komi til framkvæmda á sama tíma á Íslandi og í ESB.
Umsögn, helstu breytingar, mati á umfangi, og áhrif hér á landi: Bretland verður áfram hluti af OSS á EES svæðinu þrátt fyrir útgöngu úr ESB.
Reglugerðin er mjög jákvæð fyrir Ísland þar sem að öðrum kosti þyrfti að skima öll flug frá Bretlandi.
Ísland mun ekki taka við neinum ACC3-flugrekanda frá Bretlandi, þannig að það hefur ekki áhrif hér á landi.
Lagastoð fyrir innleiðingu gerðar: Reglugerðina er rétt að innleiða með breytingu á reglugerð um flugvernd, með stoð í 70. gr. d, sbr. 145. gr. laga um loftferðir nr. 60/1998 með síðari breytingum.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Ekki kostnaður