32019R0519

Markmið sem að er stefnt: Með reglugerðinni er verið að uppfæra reglugerð 167/2013/ESB.
Aðdragandi: Með reglugerð 167/2013/ESB, um viðurkenningu á og markaðseftirlit með ökutækjum fyrir landbúnað eða skógrækt, var komið á stjórnsýslulegum og tæknilegum kröfum fyrir gerðarviðurkenningu allra nýrra ökutækja, kerfa, íhluta og aðskilinna tæknieininga, fyrir landbúnað og skógrækt, þ.e. dráttarvéla (flokkar T og C), eftirvagna (flokkur R) og útskiptanlegs dregins búnaðar (flokkur S).
Gerðar eru lítilsháttar breytingar á reglugerð 167/2013. Þær eru helst smávægilegar uppfærslur á skilgreiningum á dráttarvélum T1 og T2, uppfærslu á hugtakanotkun, breytingar á orðavali, uppfærsla á tímaskilyrðum og uppfærsla á tilvísunum í aðrar gerðir. Þannig eru gerðar breytingar á reglugerðinni án þess að auka við reglurnar.
Efnisútdráttur: Reglugerðin inniheldur tvö ákvæði:
1. gr. – Breytingar eru gerðar á reglugerð 167/2013/ESB.
2. gr. – Gildistökuákvæði.
Umsögn: helstu breytingar, mati á umfangi, og áhrif hér á landi: Ætla má að ákvörðun þessi hafi lítil áhrif hér á landi, m.a. þar sem engir framleiðendur eru hér á landi eins og staðan er dag.
Lagastoð fyrir innleiðingu gerðar: Gerðin yrði innleidd í reglugerð um gerð og búnað ökutækja nr. 822/2004 með stoð í 60. gr. umferðarlaga nr. 50/1987.
Mat eða tilgreining á kostnaði hins opinbera, sveitarfélaga, atvinnulífs og almennings: Enginn kostnaður.
Skörun við starfssvið annarra ráðuneyta: Nei.
Horizontal issues: Sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.