EMIR Refit. - 32019R0834

Hluti af mati framkvæmdastjórnar ESB á gæðum lagasetninga og hvernig þær ná markmiðum sínum er að eiga samtal við fjármálamarkinn og eftirlitsaðila. Niðurstaða þess samtals um reglugerð ESB 648/2012 um afleiðuviðskipti, miðlæga mótaðila og afleiðuviðskiptaskrár (EMIR) var sú að nauðsynlegt væri að einfalda reglugerðina og draga úr kröfum sem gerðar eru til ófjárhagslegra aðila og smærri fjárhagslegra aðila.

EMIR var veitt lagagildi með lögum um afleiðuviðskipti, miðlæga mótaðila og afleiðuviðskiptaskrár, nr. 15/2018. Veita þarf EMIR Refit lagagildi með sömu lögum til að leiða í íslenskan rétt þær breytingar sem EMIR Refit gerir á EMIR.

EMIR Refit breytir EMIR að eftirfarandi leyti:
1. Skilgreiningunni á fjárhagslegum mótaðila er breytt hvað varðar fjárfestingarsjóði og miðlæga mótaðila.
2. Lögð er til ný skilgreining á svokölluðum „litlum fjárhagslegum mótaðila“.
3. Útreikningi á viðmiðunarfjárhæðum breytt og fyrir stöðustofnarskylduna hvað varðar ófjárhagslega mótaðila.
4. Dagsetningum breytt fyrir það hvenær tilteknir aðilar eru skyldugir til að stöðustofna tiltekna afleiðusamninga.
5. Framlengir tveggja ára frestinn sem lífeyrissjóðir hafa til að stöðustofna tiltekna OTC- afleiðusamninga. Framkvæmdastjórn ESB er auk þess veitt heimild til að framlengja frestinn tvisvar um eitt ár í senn.
6. Breytir tilkynningarskyldunni hvað varðar eldri samninga og samninga innan samstæðu.
7. Skýrir hver falli undir tilkynningarskylduna við tilteknar aðstæður, dregið er úr tilkynningarbyrði þeirra ófjárhagslegu mótaðila sem ná ekki viðmiðunarfjárhæðum stöðustofnunarskyldu og setur tilkynningarskyldu á rekstrarfélög verðbréfasjóða (UCITS) og sérhæfðra sjóða (AIFMD) og rekstraraðila eftirlaunasjóða (IORPS).
8. Framkvæmdastjórn ESB er veitt heimild til að tímabundið afnema (e. suspend) stöðustofnunarskylduna.
9. Skyldar miðlæga mótaðila til veita stöðustofnunaraðilum tól til að meta fjárhæð upphaflegrar tryggingar (e. margin) sem miðlægi mótaðilinn getur krafist við stöðustofnun nýrra viðskipta.
10. Gert er skýrt að gjaldþrotalög aðildarríkja skuli ekki koma í veg fyrir að miðlægur mótaðili geti uppfyllt skyldur sínar samkvæmt EMIR.
11. Veitir Evrópsku eftirlitsstofnunum á fjármálamarkaði (ESAs) heimild til að útbúa sameiginleg drög að tæknistöðlum sem tilgreina eftirlitsferla í tengslum við áhættustýringarferla (e. risk-management procedures).
12. Skylda stöðustofnunaraðila og viðskiptavini sem veita stöðustofnunarþjónustu til að veita þjónustu samkvæmt skilmálum sem eru sanngjarnir, skynsamlegir, gangsæir og án mismunar.