32019R1213

Markmið sem að er stefnt: Um er að ræða framkvæmdarreglugerð með stoð í tilskipun 96/53/EB. Með gerðinni er mælt fyrir um samræmd skilyrði fyrir vigtunarbúnað um borð í ökutækjum vegna eftirlits með þyngd þeirra.
Aðdragandi: Samkvæmt tilskipun 96/53/EB skulu aðildarríkin fyrir 27. maí 2021 hafa gert sérstakar ráðstafanir til að greina ökutæki í umferð sem líklegt er að fari yfir leyfilega hámarksþyngd og skulu vegna þess sæta skoðun hjá lögbæru yfirvaldi. Aðildarríkin geta ákveðið að þessar sérstöku ráðstafanir verði framkvæmdar með sjálfvirkum mælingarbúnaði sem komið er upp við grunnkerfi vega eða með því að koma fyrir vigtunarbúnað um borð í ökutækjum, e. on-board weighing equipment OBW, sem greinir á sjálfvirkan hátt hvort ökutæki séu of þung.
Reglugerð þessi er framkvæmdarreglugerð við tilskipun 96/53/EB og gildir fyrir þau aðildarríki sem hafa valið að fara þá leið að koma vigtunarbúnaði fyrir um borð í ökutækjum í tengslum við eftirlit með þeim. Gerðin á ekki við um aðildarríki sem hafa ekki kosið að fara þá leið.
Efnisútdráttur: Samkvæmt tilskipun 96/53/EB geta aðildarríki ákveðið að eftirliti með leyfilegri hámarksþyngd ökutækja verði sinnt með því að vigtunarbúnaði verði komið fyrir um borð í ökutækjum.
Reglugerð þessi er framkvæmdarreglugerð við tilskipunina og í henni er mælt fyrir um samræmd skilyrði fyrir vigtunarbúnað um borð í ökutækjum og þau kerfi sem setja þarf upp vegna eftirlits með slíkum búnaði.
Aðildarríki sem kjósa að sinna eftirliti með vigtunarbúnaði um borð í ökutækjum verða að sjá til þess að ökutækin og búnaðurinn undirgangist skoðun á sérstökum OBW-verkstæðum. Þá ber þeim að tryggja samræmda framkvæmd og nákvæmni búnaðarins. Þau verkstæði sem þarna er átt við geta til dæmis verið prófunarstöðvar sem um getur í tilskipun 2014/45/EB og í reglugerð ESB nr. 165/2014 sem og aðrar prófunarstöðvar sem uppfylla skilyrði þessarar reglugerðar.
Aðildarríki sem velja þessa aðferð, að koma vigtunarbúnaði fyrir um borð, skulu sjá til þess að kröfum samkvæmt gerðinni sé beitt frá og með 27. maí 2021. Ökutæki sem hafa verið skráð og tekin í notkun fyrir þann tíma þurfa ekki að vera búin slíkum búnaði.
Umsögn: helstu breytingar, mati á umfangi, og áhrif hér á landi: Engin áhrif hér á landi þar sem Ísland hefur ekki farið þá leið að gera kröfu um vigtunarbúnað um borð í ökutækjum vegna eftirlits með leyfilegri hámarksþyngd ökutækja.
Lagastoð fyrir innleiðingu gerðar: Lagastoðin er í 75. og 76. gr. umferðalaga nr. 50/1987. Rétt væri að reglugerðin yrði innleidd með breytingu á reglugerð nr. 155/2007 um stærð og þyngd ökutækja.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.