32019R1795

Reglugerð 2019/501 var samþykkt vegna fyrirhugaðrar útgöngu Bretlands úr Evrópusambandinu. Með henni átti að tryggja að ýmsar mikilvægar samgönguæðar á vegum haldist opnar til 31. desember 2019. Heimila átti flutningsaðilum frá Bretlandi að flytja tilteknar vörur til Evrópusambandsins að því gefnu að Bretland veitti flutningsaðilum frá Evrópusambandinu sama rétt í samræmi við reglur sem tryggja sanngjarna samkeppni. Vörurnar sem um ræðir eru póstur, ökutæki sem orðið hafa fyrir skemmdum, efni til framleiðslu á ökutækjum, lyfjum og tækjum og búnaði til læknisþjónustu. Gerðin hefur helst áhrif á flutningsaðila á vegum í Bretlandi sem flytja vörur milli Bretlands og Evrópusambandsins. Áhrifin eru takmörkuð sem engin hér á landi. Kostnaður við innleiðingu þessarar reglugerðar er metinn óverulegur sem enginn.
Reglugerð 2019/502 var til komin vegna hugsanlegrar útgöngu Bretlands úr Evrópusambandinu án samnings við ESB og EES EFTA ríkin. Verði raunin að enginn samningur náist munu breskir flugrekendur ekki lengur geta stundað flutningaflug til EES ríkja á grundvelli reglugerðar (EB) nr. 1008/2008 og að skírteini útgefin í Bretlandi á grundvelli reglugerðarinnar munu ekki njóta gagnkvæmni í EES ríkjum. Því er gert ráð fyrir því að 1. til 4. flugréttindi verði veitt breskum flugrekendum einhliða. Verði ekki um gagnkvæmni að ræða fyrir ESB hefur framkvæmdastjórnin heimildir til þess að grípa til aðgerða til þess að lagfæra stöðuna.
Einu breytingarnar sem myndu fylgja reglugerð í kjölfar þessarar tillögu sem hér er til umfjöllunar eru á tímaramma beggja reglugerðanna sem breyta á. Með öðrum orðum er verið að lengja gildistíma þeirra þar sem Brexit málið hefur dregist á langinn. Lagt er til að gildistími reglugerðarinnar verði til 31. júlí 2020 vegna flutninga á vegum, basic road connectivity, reglugerð 2019/501 og til 24. október 2020 vegna flutninga í lofti, basic air connectivity, reglugerð 2109/502.