32019R1916

Markmið sem að er stefnt: Um er að ræða framkvæmdarreglugerð við tilskipun 96/53/EB með ítarlegum ákvæðum um notkun á loftaflfræðilegum búnaði sem festur er aftan á ökutæki. Markmið með gerðinni er að draga úr eldsneytisnotkun ökutækja og þar með draga úr losun koltvísýrings.
Efnisútdráttur: Samkvæmt tilskipun 96/53/EB er heimilt að veita undanþágur frá leyfilegri hámarkslengd ökutækja með vissum skilyrðum. Tilgangurinn er að leyfilegt sé, að festa búnað á ökutækin sem bætir loftaflfræðileg afköst þeirra, þrátt fyrir að farið sé yfir leyfilega hámarkslengd ökutækisins. Ökutæki og samtengd ökutæki þar sem loftaflfræðilegur búnaður hefur verið festur á skulu uppfylla kröfur tilskipunar 96/53/EB.
Með þessari gerð sem er framkvæmdagerð við tilskipun 96/53/EB eru sett fram ítarleg ákvæði um notkun á loftaflfræðilegum búnaði aftan á ökutækjum samkvæmt tilskipun 96/53/EB og við hvaða aðstæður heimilt er að nota slíkan búnað.
Ákvæðin miða að því að tryggja öryggi útdraganlegs eða samanbrjótanlegs loftaflfræðibúnaðar aftan á bifreiðum með því að tilgreina aðstæður þar sem heimilt er að nota slíkan búnað, m.a. með tilliti til nálægðar annarra vegfarenda, sérstakra aðstæðna og hraðatakmarkana.
Gerðin inniheldur þrjú ákvæði um efni, skilgreiningar og rekstrarskilyrði. Ákvæðin snúa m.a. að því hvenær búnaðurinn skal vera í lokaðri stöðu, hve langt hann má ná út fyrir hvora hlið ökutækis og hvernig fara skal með gallaðan búnað eða búnað sem ekki er öruggur. Uppfæra þarf reglugerð um stærð og þyngd ökutækja með hliðsjón af ákvæðum gerðarinnar.
Þá kemur fram að aðildarríkjum sé heimilt að banna umferð ökutækja með áfestan búnað til að mynda í þéttbýli og á svæðum þar sem hraðatakmörk eru 50 km/klst. eða minna.
Umsögn: helstu breytingar, mati á umfangi, og áhrif hér á landi: Gerðin kallar á uppfærslu á reglugerð nr. 155/2007 um stærð og þyngd ökutækja. Lagastoð fyrir innleiðingu gerðar Lagastoð samkvæmt núgildandi lögum er 75. og 76. gr. umferðalaga nr. 50/1987. Lagastoð eftir 1. janúar 2020 er 5. mgr. 82. gr. umferðarlaga nr. 77/2019. Rétt væri að reglugerðin yrði innleidd með breytingu á reglugerð nr. 155/2007 um stærð og þyngd ökutækja.
Mat eða tilgreining á kostnaði hins opinbera, sveitar-félaga og atvinnulífs og ALMENNINGS, ef einhver er: Kostnaður við innleiðingu þessarar reglugerðar er metinn óverulegur sem enginn.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.