Dýraheilbrigði - 32021R2168

Þessi reglugerð breytir framseldri reglugerð framkvæmdastjórnarinnar (ESB) 2019/2035 frá 28. júní 2019 hvað varðar: a) reglur um skráningu og samþykki starfsstöðva sem útungunaregg og alifuglar eru flutt frá til annarra aðildarríkja, b) rekjanleikaákvæði er varða nautgripi, sauðfé og geitur, c) reglur um samþykki starfsstöðvar fyrir söfnun hóf- og klaufdýra. Fjórðu grein (ESB) 2019/2035 er breytt þannig að hún kveði á um undanþágu fyrir rekstraraðila útungunarstöðva og starfstöðva sem flytja innan við 20 alifugla aðra en strútfugla og innan við 20 útungunaregg til annarra aðildarríkja, frá skyldunni til að sækja um samþykki til lögbærs yfirvalds. Greinum 38(2), 45(4) og 48 í (ESB) 2019/2035 er breytt þannig að skýrt sé að valkostir sem rekstraraðilum sem halda nautgripi, sauðfé og geitur eru gefnir hvað varðar aðrar aðferðir til auðkenningar skuli vera háðir leyfi aðildarríkisins. Þetta skýrir hlutverk og ábyrgð aðildarríkjanna til að beita innlendum ráðstöfunum til að tryggja rétta innleiðingu á viðbótar eða strangari kröfum um rekjanleika fyrir nautgripi, sauðfé og geitur, eins og kveðið er á um í 269. gr. reglugerðar (ESB) 2016/429. Grein 76 er breytt þannig að hún kveði á um að nota má tölustafakóða til að auðkenna páfagauka í stað einkenniskóða og tryggja nægjanlega rekjanleika þegar páfagaukar eru fluttir milli aðildarríkja. Grein 80 er breytt þannig að hún kveði á um að rekstraraðilar starfsstöðva sem halda alifugla og rekstraraðila klakstöðva sem senda innan við 20 egg til annars aðildarríkis séu undanskildir frá þeirri skyldu að hvert egg sé merkt með sérstöku leyfisnúmeri upprunalegu starfsstöðvarinnar. Fyrsta hluta viðauka I er breytt þannig að hann kveði á um að heimilt sé að halda hóf- og klaufdýr af mismunandi tegundum, flokkum og sjúkdómastöðu á sömu starfsstöð ef þau eru haldin í aðskildum sóttvarnaeiningum. Fyrsta hluta viðauka I er breytt þannig að hann kveði á um að heimilt sé að veita undanþágu frá þeirri meginreglu að hóf- og klaufdýrum af mismunandi tegundum sé ekki blandað saman á starfsstöð.