DFTR - 32022R0858

Með gerðinni er komið a skipulagi til reynslu fyrir markaðsinnviði (e. market infrastructure) sem byggjast á dreifðri færsluskrártækni (e. distributed ledger technology, DLT), þ.e. markaðstorg fjármálagerninga (e. DLT multilateral trading system), uppgjörskerfi (e. DLT settlement systems) og kerfi sem framkvæma hlutverk bæði viðskipta- og uppgjörskerfa (e. DLT trading and settlement system). Þá er hugtakið DLT fjármálagerningur einnig skilgreint í henni, þ.e. fjármálagerningur sem gefinn er út, skráður, fluttur og varðveittur á grundvelli DLT. Kröfur þegar gildandi tilskipana og reglugerða (MiFID, MiFIR og CSDR) til framanlýstrar þjónustu eru aðlagaðar sérstöku eðli áskorana tengdum framþróun tækni og markmið gerðarinnar m.a. að fylla upp í tómarúm í gildandi regluverki. Í gerðinni er rík áhersla lögð á áhættustýringu, net- og upplýsingaöryggi. Í 14. gr. er kveðið á um endurmat og útgáfu skýrslu þar um af hálfu framkvæmdastjórnar ESB fyrir 24. mars 2026, svo og (ef við á) tillögugerð um framlengingu skipulagsins til þriggja ára. Alls er því gengið út frá möguleika á 6 ára skipulagi til reynslu, en gerðin var samþykkt af stofnunum ESB í lok maí 2022.