Reglugerð um upplýsingar sem fylgja skulu við millifærslu fjármuna. - 32023R1113

Tillagan er hluti af svokölluðum "AML-pakka" ESB, ásamt tillögu að reglugerð um stofnun nýrrar evrópskrar eftirlitsstofnunar á vettvangi aðgerða gegn peningaþvætti og fjármögnun hryðjuverka (COM (2021) 421), tillögu að reglugerð um aðgerðir til að koma í veg fyrir misnotkun fjármálakerfisins hvað varðar peningaþvætti og fjármögnun hryðjuverka (COM (2021) 420) og tillögu að  að tilskipun um þær aðgerðir sem aðildarríki eiga að grípa til í því skyni að koma í veg fyrir misnotkun fjármálakerfisins hvað varðar peningaþvætti og fjármögnun hryðjuverka (6. peningaþvættistilskipunin) (COM (2021) 423).tillagan víkkar út gildissvið gildandi reglna þannig að þær nái einnig til sýndareigna (e. crypto assets). Verði tillaga framkvæmdastjórnarinnar samþykkt mun hin nýja reglugerð fella eldri reglugerð um sama efni úr gildi, en umræddar reglur eru innleiddar hér á landi með reglugerð um upplýsingar sem fylgja skulu við millifærslu fjármuna vegna aðgerða gegn peningaþvætti og fjármögnun hryðjuverka nr. 70/2019. Tillagan felur í sér viðbrögð við breytingum FATF á tilmælum nr. 15, m.a. hvað varðar innleiðingu svonefndrar ferðareglu (e. travel rule). Tilmæli 15 lúta að því að sem kallað er ný tækni (e. New Technologies) og skyldu ríkja til að meta áhættu tengda henni. Í tilmælunum er sérstaklega fjallað um skyldur ríkja þegar kemur að sýndareignum og þjónustuveitendum sýndarfjár, en umrædd ferðaregla lýtur að skyldu til að hafa tiltækar og senda með, tilteknar upplýsingar um sendanda og móttakanda við millifærslu sýndareigna.