32017R0078

Heildargerðarviðurkenningarkerfi ESB fyrir vélknúin ökutæki var komið á fót með tilskipun 2007/46/EB. Í því er skilgreint hlutverk og ábyrgð allra aðila í viðurkenningarferlinu. Því til viðbótar er talið nauðsynlegt að setja sérstök ákvæði um EB gerðarviðurkenningu ökutækja sem eru útbúin neyðarsímakerfi, sem byggjast á neyðarnúmerinu 112. Það er markmiðið með reglugerð 2017/78 EB.
Í reglugerð ESB 2015/758 eru settar fram almennar kröfur fyrir nýjar tegundir ökutækja í flokki M1, fólksbifreiðar og N1, sendibifreiðar. Þær skulu vera útbúnar neyðarsímkerfi af þessu tagi frá 31. mars 2018. Þó er gerðar ákveðnar undantekningar svo sem þegar ökutæki eru framleidd í takmörkuðu upplagi eða að ekki er hægt að koma slíku kerfi fyrir í þeim af tæknilegum orsökum. Reglugerðin nær einnig til íhluta og aðskildra tæknieininga sem hönnuð eru og smíðuð fyrir þau ökutæki sem reglugerðin nær til.
Í reglugerð ESB 2017/79 eru síðan settar fram sérstakar tæknikröfur og prófunaraðferðir fyrir neyðarsímkerfin í EB gerðarviðurkenningu ökutækja. Í reglugerð 2017/79 eru jafnfram settar fram slíkar kröfur til íhluta og aðskildra tæknieininga sem eru hannaðir og smíðaðir fyrir slík ökutæki.
Til að tryggja samræmd skilyrði fyrir innleiðingu prófunaraðferða fyrir EB gerðarviðurkenningu og til að einfalda umsókn um slíka viðurkenningu, er talið nauðsynlegt að stöðluð upplýsingagögn séu aðgengileg.
Framleiðendur eiga að tryggja að símtöl sem fara í gegnum neyðarsímakerfin séu ekki rekjanleg. Það þarf því að tryggja að neyðarsímakerfi séu alla jafna ekki nothæf til samskipta og að upplýsingarnar sem kerfið geymir séu ekki aðgengilegar neinum. Framleiðendur skulu einnig gera viðeigandi öryggisráðstafanir til að tryggja öryggi þeirra upplýsinga sem eru í kerfinu fyrir óviðkomandi aðilum.
Neytendur skulu fá yfirgripsmiklar og áreiðanlegar upplýsingar um virkni neyðarsímakerfisins og sérstaklega hvernig upplýsingarnar eru unnar í kerfinu og um geymslu gagna. Neytendur skulu einnig vera upplýstir um sérkenni hvers konar einkaneyðarþjónustu eða annarrar viðbættrar þjónustu ef slíku er komið fyrir í ökutækinu.
Reglugerð ESB 2017/78 innheldur reglur um viðurkenningu nýrra tegunda ökutækja með neyðarsímakerfi sem byggjast á neyðarnúmerinu 112 sem og um íhluti og tæknieiningar ökutækja vegna þess. Jafnframt eru settar fram samræmdar kröfur fyrir innleiðingu ákvæða reglugerðar ESB 2015/758 um friðhelgi einkalífs og gagnavernd til notenda neyðarsímakerfisins.
Í reglugerðinni kemur fram hvernig framleiðandi ber sig að við viðurkenningarferli nýs ökutækis og/eða íhluta og tæknieiningar þess. Við reglugerðina eru tveir viðaukar. Í þeim fyrri eru form að opinberu upplýsingaskjali um EB gerðarviðurkenningu ökutækja með neyðarsímakerfi sem byggist á neyðarnúmerinu 112. Sá síðari er um sama efni en á við íhluti og aðskildar tæknieiningar ökutækja.
Á Íslandi eru engir framleiðendur ökutækja og hefur þessi tiltekna reglugerð því lítil sem engin áhrif hér á landi.