ECSP - Reglugerð um evrópska hópfjármögnunarþjónustuveitendur fyrir fyrirtæki - 32020R1503

Framkvæmdastjórn Evrópusambandsins lagði í mars 2018 fram tillögu að reglugerð um evrópska hópfjármögnunarþjónustuveitendur fyrir fyrirtæki. Þar er lagt til að unnt verði að fá leyfi sem gildir í öllum aðildarríkjum sambandsins til að hafa milligöngu um hópfjármögnun fyrirtækja í formi lána eða verðbréfakaupa ef hún er ekki umfram milljón evrur á ári. Aðilar sem fá starfsleyfi samkvæmt reglugerðinni þurfa að fullnægja kröfum varðandi stjórnun, meðhöndlun kvartana, hagsmunaárekstra, útvistun verkefna, vörslu á fjármunum viðskiptavina, upplýsingagjöf til viðskiptavina, könnun á hæfi viðskiptavina, vörslu gagna og markaðssetningu. Gert er ráð fyrir því að Evrópska verðbréfamarkaðseftirlitsstofnunin veiti starfsleyfi, hafi eftirlit með þjónustuveitendum og geti beitt ákveðnum rannsóknarheimildum og viðurlögum.