32015D2183

Ákvörðun framkvæmdastjórnar ESB 2015/2183 fjallar um almennt skráarsnið fyrir tilkynningar um rafsígarettur og áfyllingarílát en samkvæmt tilskipun 2014/40/ESB skulu framleiðendur og innflytjendur skila tilkynningum til stjórnvalda um slíkar vörur sem þeir hyggjast setja á eða taka af markaði. Almennt rafrænt skráarsnið auðveldar aðildarríkjum og framkvæmdastjórninni að bera saman og draga ályktanir af þessum upplýsingum og tryggir samræmda framkvæmd. Hvetja á framleiðendur og innflytjendur til að uppfæra upplýsingarnar þegar við á og nota samþykktar prófunaraðferðir. Fyrirtæki fá auðkennisnúmer og skulu auðkenna vöru sérstöku númeri. Aðildarríki bera ábyrgð á söfnun og meðferð upplýsinganna en ættu að hafa möguleika á að nota tæknibúnað framkvæmdastjórnarinnar til að geyma þær. Æskilegt er að framkvæmdastjórnin setji reglur um meðferð trúnaðarupplýsinga til að tryggja gagnsæi vöruupplýsinga til almennings en jafnframt varðveita viðskiptaleyndarmál.