32016D0586

Í ákvörðun framkvæmdastjórnar ESB 2016/586 er fjallað um tæknilega staðla áfyllingarvélbúnaðar fyrir rafsígarettur í samræmi við tilskipun 2014/40/ESB en í 13. mgr. 20. gr. hennar er kveðið á um að framkvæmdastjórnin skuli setja slíka staðla. Með hliðsjón af eituráhrifum nikótínvökva sem notaðir eru í rafsígarettur og áfyllingarílátum er mikilvægt að tryggja að hægt sé að fylla á rafsígarettur á þann hátt sem takmarkar áhættu á því að slíkir vökvar komist í snertingu við húð eða inntöku þeirra fyrir slysni. Þessum tæknilegu stöðlum er ætla að tryggja að vörn gegn því að áfyllingaríláti leki og að neytendur fái nægilegar upplýsingar um hvernig á að meðhöndla áfyllingarílátin. Hagsmunaaðilar geta veitt framkvæmdastjórninni upplýsingar um annan vélbúnað sem þeir hafa þróað og tryggja að áfylling fari fram án leka.
Í 2. gr. ákvörðunarinnar er kveðið á um þá tæknilegu staðla sem þarf að uppfylla: Rafsígarettur sem hægt er að fylla á og áfyllingarílát skulu aðeins fara á markað ef vélbúnaður þess er annað hvort með 9 mm löngum stút, sem er þrengri en, og passar vel í op tanksins á rafsígarettunni, og leyfir ekki meira flæði en 20 dropa af áfyllingarvökva á hverri mínútu og tiltekinn þrýsting, eða hefur tengikerfi (docking system) sem leysir aðeins áfyllingarvökva í tankinn á rafsígarettunni þegar rafsígarettan og áfyllingarílátið tengt.
Tryggja skal að rafsígarettum sem hægt er að fylla á og áfyllingarílátum fylgi fullnægjandi leiðbeiningar um áfyllingu, m.a. skýringarmyndir, en þær eru hluti af notkunarleiðbeiningum samkvæmt 20. gr. (4)(a)(i) tilskipunar 2014/40/ESB. Þá skulu fylgja upplýsingar um vélbúnaðinn og þær kröfur sem hann þarf að fullnægja samkvæmt framansögðu.