32018R1974

Almennt: Í reglugerð (ESB) nr. 1178/2011 um áhöfn í almenningsflugi er meðal annars kveðið á um tæknikröfur fyrir vottun flugherma, vottun flugmanna ákveðinna loftfara og um vottun einstaklinga og aðila sem koma að þjálfun, prófun og mati á flugmönnunum.
Reynslan hefur sýnt að þörf er á að gerðar séu ítarlegri kröfur til þjálfunar atvinnuflugmanna við að koma í veg fyrir og bregðast við uppnámi, e. „upset prevention and recovery training (UPRT)“. Innleiða þarf UPRT á mismunandi stigum náms þeirra til að verða atvinnuflugmenn. Þjálfunarinnar skal getið í skírteini hvers flugmanns.
Efnisútdráttur: Með reglugerðinni er gerð krafa um UPRT sem hluta af eftirfarandi námskeiðum:
-námskeið fyrir fjölstjórnarskírteini, multi-crew pilot licence (MPL) training course;
-innbyggt námskeið fyrir atvinnuflugmenn 1. Flokks, the integrated training course for airline transport pilots for aeroplanes (ATP(A);
-námskeið fyrir atvinnuflugmenn, a training course for a commercial pilot licence for aeroplanes (CPLA);
-fyrir tegundar- og flokksáritun fyrir einstjórnarflugvél sem starfrækt er í fjölstjórnarumhverfi, for class and type-ratings for single-pilot aeroplanes operated in multi-pilot operations;
- fyrir flókna einstjórnarflugvél án mikillar afkastagetu, single-pilot non-high-performance complex;
-fyrir flókna flugvél með mikla afkastagetu, high-performance complex aeroplanes;
-fyrir áritun á fjölstjórnarflugvél, multi-pilot aeroplanes ratings.
Kröfur til kennaravottorða skulu einnig taka mið af þessum nýju ákvæðum.
Með reglugerðinni eru samræmdar Evrópukröfur við breytingar á viðauka 1 ICAO, frá 2014 sem kveða á um UPRT fyrir fjölstjórnarskírteini og fyrir fjölstjórnar tegundaráritanir.
Að því er varðar aðlögunartímbil er með vísan til flugöryggis, gert ráð fyrir því að UPRT kröfurnar skuli innleiða sem fyrst.
Heimilt verður þó að ljúka þjálfunarnámskeiðum sem hafin voru fyrir beitingu reglugerðarinnar, án þess að nýju kröfurnar komi til framkvæmda.
Í þessu sambandi ber að hafa í huga að flugmenn sem fljúga í atvinnuskyni á grundvelli reglugerðar (ESB) nr. 965/2012 verða að undirgangast reglubundna þjálfun hjá flugrekanda, sem í dag inniheldur UPRT þætti.
Til viðbótar er gert ráð fyrir að flugskólar fái aðlögunartíma í því skyni að aðlaga þjálfunaráætlanir þeirra þannig að þær samrýmist nýju UPRT kröfunum.
Reglugerðin er m.a. í samræmi við álit EASA Nr. 6/2017.
Umsögn; helstu breytingar, mat á umfangi, og áhrif hér á landi: Reglugerðin mun fyrst og fremst hafa áhrif á flugskóla sem kenna nemendum sem stefna að því að verða atvinnuflugmenn. Kostnaður SGS við innleiðingu er óverulegur.
Kostnaður gæti hlotist af gerðinni hjá flugskólum sem veita UPRT þjálfun og/eða þjálfun fyrir flugkennara til að kenna á UPRT námskeiðum. Sá kostnaður gæti orðið töluverður og kostnaður nemenda gæti hækkað samhliða.
Það er valkvætt fyrir skólana að veita þessa þjálfun. Kjósi enginn skóli hér á landi að veita þessa þjálfun munu flugnemar þurfa að sækja þessa þjálfun í öðrum Evrópuríkjum.
Reglugerðin gæti haft áhrif á vélakost flugskóla og erfitt gæti verið að finna kennara með nauðsynlegan bakgrunn til að sinna þjálfun fyrir UPRT.
Lagastoð fyrir innleiðingu gerðar: Reglugerðina er rétt að innleiða með stoð í 31. gr. laga um loftferðir nr. 60/1998. Innleiðing færi fram með breytingu á reglugerð nr. 180/2014 um áhöfn í almenningsflugi.