32019D1094

Almennt: Um er að ræða ákvörðun framkvæmdastjórnar ESB um að heimila aðildarríkjum tilteknar undanþágur frá tilskipun 2008/68/EB. Með tilskipun 2008/68/EB um flutning á hættulegum farmi á landi og skipgengum vatnaleiðum var komið á fót sameiginlegu kerfi fyrir alla þætti flutninga á hættulegum farmi á landi, á vegum, með járnbrautum og á skipgengum vatnaleiðum.
Flutningur á hættulegum farmi milli aðildarríkja og milli aðildarríkja og þriðju landa þarf að uppfylla kröfur sem fram koma í viðaukum I., II. og III. við tilskipunina.
Í viðaukunum eru jafnframt skrár með landsbundnum undanþágum sem heimilt er að nýta vegna sérstakra innlendra aðstæðna.
Að því tilskildu að öryggi sé ekki stefnt í hættu geta aðildarríki óskað eftir undanþágu frá tilteknum kröfum vegna flutninga innan yfirráðasvæðis síns á tilteknum hættulegum farmi í litlu magni, að undanskildum efnum sem hafa mikla geislavirkni eða í meðallagi.
Efnisútdráttur: Tiltekin aðildarríki, sem listuð eru upp í viðauka við ákvörðun þessa, hafa sótt um undanþágu frá kröfum um flutning á hættulegum farmi samkvæmt tilskipun 2008/68/EB. Ákvörðunin beinist að þeim aðildarríkjum sem sótt hafa um undanþágu og þeim með henni heimilað að flytja hættulegan farm á yfirráðasvæði þeirra til samræmis við þær. Ísland er ekki meðal þeirra landa sem talin eru upp í viðauka við gerðina.
Umsögn, helstu breytingar, mati á umfangi, og áhrif hér á landi: Engin áhrif hér á landi þar sem Ísland er ekki meðal þeirra ríkja sem sótt hafa um undanþágu samkvæmt ákvörðuninni. Þær undanþágur sem heimilaðar eru eiga aðeins við á yfirráðasvæði þeirra ríkja sem listuð eru upp í viðauka við ákvörðunina. Kostnaður við innleiðingu þessarar reglugerðar er metinn óverulegur sem enginn.
Lagastoð: Lagastoð er að finna í 2. mgr. 50. gr., 1. mgr. 60. gr. og 5. mgr. 73. gr. umferðalaga nr. 50/1987. Rétt væri að innleiða gerðina með breytingu á reglugerð nr. 1077/2010, um flutning á hættulegum farmi á landi.