Framseld ákvörðun framkvæmdastjórnar ESB um mat á nothæfi og sannprófun á stöðugleika rimlahandriða og grindverka sem eingöngu eru ætluð sem fallvörn við byggingarframkvæmdir og ekki verða fyrir lóðréttu álagi frá mannvirkinu. - 32019D1764

Framseld ákvörðun framkvæmdastjórnarinnar (ESB) 2019/1764 frá 14. mars 2019 um viðbætur við reglugerð Evrópuþingsins og ráðsins (ESB) nr. 305/2011 að því er varðar viðeigandi kerfi til að meta og sannprófa stöðugleika nothæfis rimlahandriðs- og rimlagirðingareininga sem eingöngu eru ætlaðar til notkunar í tengslum við byggingarmannvirki til að koma í veg fyrir fall og sem eiga ekki að verða fyrir lóðréttu álagi frá mannvirkinu.

FRAMKVÆMDASTJÓRN EVRÓPUSAMBANDSINS HEFUR, með hliðsjón af sáttmálanum um starfshætti Evrópusambandsins, með hliðsjón af reglugerð Evrópuþingsins og ráðsins (ESB) nr. 305/2011 frá 9. mars 2011 um samræmd skilyrði fyrir markaðssetningu byggingarvara og niðurfellingu á tilskipun ráðsins 89/106/EBE ( ), einkum 2. mgr. 28. gr.,og að teknu tilliti til eftirfarandi:

1) Ekki er fyrir hendi viðeigandi ákvörðun um mat og sannprófun á stöðugleika nothæfis rimlahandriðs- og rimlagirð-ingareininga sem eingöngu eru ætlaðar til notkunar í tengslum við byggingarmannvirki til að koma í veg fyrir fall og sem eiga ekki að verða fyrir lóðréttu álagi frá mannvirkinu. Því er nauðsynlegt að ákvarða hvaða kerfi eigi að nota til að meta og sannprófa stöðugleika nothæfis þessara rimlahandriðs- og rimlagirðingareininga.

2) Að teknu tilliti til reynslu af eiginleikum viðkomandi vara á nýtingartíma þeirra, sem lýst er í könnun sem var gerð vegna ágalla á þessum vörum, ætti framleiðandinn að meta nothæfi þeirra að því er varðar alla mikilvæga eiginleika, nema viðbrögð við bruna, áður en varan en sett á markað. Ekki er þörf á fleiri kostnaðarsömum kerfum. Að því er varðar nothæfi, með tilliti til viðbragða við bruna, ætti val á kerfi 1, 3 eða 4 að teljast viðeigandi með tilvísun til mismunandi undirflokka vara.