Framkvæmdarákvörðun (ESB) 2020/519 um tilvísunarskjal fyrir úrgangsstjórnun. - 32020D0519

Reglugerð (EB) nr. 1221/2009 mælir fyrir um að framkvæmdastjórnin skuli útbúa geiratengd tilvísunarskjöl sem skulu ná yfir bestu starfsvenjur í umhverfisstjórnunarmálum, vísbenda um árangur í umhverfismálum fyrir tiltekna geira, eftir því sem við á, árangursviðmiðanir (e. benchmark of
excellence) og flokkunarkerfi til að tilgreina árangur í umhverfismálum.

Í viðauka I við ákvörðun (ESB) 2020/519 er tilvísunarskjal sem er ætlað fyrir aðila sem starfa á sviði úrgangsstjórnunar. Tilvísunarskjalið er sett með tilliti til viðeigandi skýrslu sem liggur fyrir (birt í maí 2018) um bestu starfshætti fyrir umhverfisstjórnunarkerfi sem eiga við á sviði úrgangsstjórnunar. Umrædd skýrsla er á ítarlegum vísindalegum og stefnumótandi forsendum.

Aðilar sem nota EMAS umhverfisstjórnunarkerfið, hvort sem um ræðir aðila sem sjálfir eru að starfa á sviði úrgangsstjórnunar eða aðilar sem sannprófa umhverfisstjórnunarkerfi við úrgangsstjórnun, fá í hendur árangursvísa og viðmiðunarmörk sem nota má við markmiðssetningu innan kerfisins. Ekki er um að ræða ítarlega og ófrávíkjanlega kröfu um upptöku allra árangursvísa og viðmiðunarmarka sem þarna eru settir fram. Þó er skylt að greina frá því í viðeigandi umhverfisyfirlýsingu með hvaða hætti þessi gerð er notuð hverju sinni og gefnar eru leiðbeiningar um uppsetningu umhverfisstjórnarkerfa fyrir úrgangsstjórnun. Að sama skapi skal yfirfara notkun skjalsins þegar endurskoðun er gerð á EMAS umhverfisstjórnunarkerfi.