Aukefni í matvælum - 32020R0268

Í viðauka III við reglugerð (ESB) nr. 1333/2008 er listi sambandsins yfir aukefni sem leyfð eru í aukefni, ensím, bragðefni, næringarefni og skilyrði fyrir notkun þeirra.

Listann má uppfæra í samræmi við sameiginlega málsmeðferðina sem um getur í 1. mgr. 3. gr. reglugerðar Evrópuþingsins og ráðsins (EB) nr. 1331/2008, annaðhvort að frumkvæði Framkvæmdastjórnarinnar eða með umsókn.

Samkvæmt 2. hluta í viðauka III við reglugerð 1333/2008 er leyfilegt að nota sorbinsýru (E 200) sem aukefni í litalausnir, með hámarksgildi 1500 mg/kg, eitt sér eða með kalíum sorbati (E202), bensósýru (E210), natríum bensóati (E211) og kalíum bensóati (E212), með hámarksgildi 15 mg/kg í lokaafurðinni.

Sótt hefur verið um leyfi til að auka magn sorbinsýru í 2500 mg/kg í litablöndum sem seldar eru beint til neytenda og ætlaðar til að skreyta eggjaskurn. Umsækjandi gat sýnt fram á að flæði sorbinsýru frá eggjaskurn inn í ætan hluta eggsins er undir greiningarmörkum 5 mg/kg.

Ekki er talið að þetta aukna magn sorbinsýru í litalausnum til skreytinga á eggjaskurn sé líklegt til að hafa áhrif á heilsu manna, þar sem áhrif á heildarváhrif frá sorbinsýru er mjög takmörkuð. Því þarf ekki að leita álits Matvælaöryggisstofnunarinnar.

Lagt til að leyft verði að nota sorbinsýru í 2500 mg/kg í litablöndur sem seldar eru beint til neytenda og ætlaðar til að skreyta eggjaskurn. Viðauka II við reglugerð (ESB) nr. 1333/2008 er því breyta í samræmi við það.