32020R0359

Markmið sem að er stefnt: Um er að ræða framkvæmdarreglugerð um breytingu á reglugerð (ESB) nr. 1178/2011 um tæknilegar kröfur og stjórnsýslumeðferð er varða áhöfn í almenningsflugi samkvæmt reglugerð (EB) nr. 216/2008.
Markmið með gerðinni er að fella niður og breyta kröfum til flugmannskírteina fyrir loftbelgi og svifflugur þar sem nú er kveðið á um þær í sérstökum reglugerðum fyrir slík loftför.
Aðdragandi: Í ljósi þess hve sérstaks eðlis kröfur vegna flugmannsskírteina fyrir loftbelgi og svifflugur eru þykir nauðsynlegt að kveða á um sérstakar leyfiskröfur vegna slíkra loftfara í sérstökum reglugerðum framkvæmdastjórnarinnar (ESB) 2018/395 og framkvæmdareglugerð (ESB) 2018/1976.
Efnisútdráttur: Með þessari gerð eru breytingar gerðar á reglugerð (ESB) 1178/2011. Breytingarnar snúa að menntunarkröfum til flugmanna loftbelgja og sviffluga.
Tilteknar leyfiskröfur til flugmanna loftbelgja og sviffluga í I. viðauka (Part-FCL) við reglugerð (ESB) 1178/2011 eru felldar úr gildi auk þess sem önnur tiltekin ákvæði sama viðauka eru endurskoðuð í ljósi nýrra krafna til flugmanna loftbelgja og sviffluga.
Ákvæði sem snúa að áhugaflugmönnum eru uppfærð í þeim tilgangi að hvetja áhugaflugmenn til að öðlast IFR-réttindi. Því eru ákvæði sem innleiða grunnþjálfun BIR, e. basic instrument rating, í I. viðauka (Part-FCL) við reglugerð (ESB) 1178/2011 sérstaklega aðlöguð að þörfum áhugaflugmanna.
Kröfurnar í IV. viðauka (Part-MED), VI. viðauka (Part-ARA), VII. viðauka (Part-ORA) og viðauka VIII (Part-DTO) við reglugerð (ESB) 1178/2011 skulu áfram gilda sem leyfiskröfur til áhafna loftbelgja og sviffluga.
Umsögn: helstu breytingar, mati á umfangi, og áhrif hér á landi: Með þessari reglugerð er aðallega verið að fella niður kröfur í reglugerð (ESB) nr. 1178/2011 til flugmannsskírteina fyrir loftbelgi og svifflugur sem færðar hafa verið í sérstaka reglugerð fyrir þennan málaflokk, reglugerðir (ESB) 2020/357 og 2020/358.
Áhrifin eru óveruleg hér á landi. Felld eru úr gildi ákvæði um en route blindflugsréttindi (EIR) en slík réttindi hafa ekki verið gefin út í íslenskum skírteinum. Í stað þeirra réttinda koma grunnblindflugsréttindi (BIR). Þá er skerpt á ákvæðum varðandi blindflugsréttindi á eins hreyfils flugvélar og fjölhreyfla flugvélar.
Heilbrigðiskröfur fyrir SPL og BPL skírteini eru nú þær sömu og fyrir LAPL nema ætlunin sé að nýta skírteinin í atvinnuskyni og þá með farþega.
Smávægilegar breytingar á forsíðu skírteina og skírteinisnúmerum BPL og SPL skírteina (Part-SFCL/Part-BFCL í stað Part-FCL).
Lagastoð fyrir innleiðingu gerðar: Lagastoðin er 31. gr., 32. gr. og 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 180/2014 um áhöfn í almenningsflugi.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Reglugerðin vísar til gerðar (ESB) 2018/1139 sem hefur ekki verið tekin upp í EES-samninginn.