32020R1083

Höfuðlénið .eu skapar sjálfstætt auðkenni fyrir Evrópusambandið á internetinu og er ætlað að auka sýnileika sambandsins á internetinu, auka framboð á höfuðlénum til neytenda og styðja við rafræn viðskipti. Fyrstu reglur sem settar voru um höfuðlénið eru reglugerð Evrópuþingsins og Ráðsins nr. 733/2002/EB og nr. 874/2004/EB. Þessar gerðir hafa verið innleiddar í íslenskan rétt með reglugerðum ráðherra nr. 50/2014, sbr. og nr. 248/2016.
Með reglugerð 2019/517 átti að fella niður óþarfar reglur um lénið .eu og gera reglurnar þannig að af þeim hljótist sem minnst óþarfa umstang. Þetta var gert þar sem samkeppni færi væntanlega vaxandi um skráningu og úthlutun léna. Draga átti úr íþyngjandi málsmeðferð og umsýslu við skráningu lénsins, slaka á úthlutunarskilyrðum og hverfa frá algjöru banni við lóðréttri samþættingu þess aðila sem heldur utan um gagnagrunninn og skráningaraðila léna á smásölustigi. Hvorki var um að ræða eðlisbreytingu á starfsemi höfuðlénsins .eu frá því sem nú er, né verið að auka íþyngjandi kvaðir. Þvert á móti var verið að slaka á kröfum og gera reglurnar sveigjanlegri.
Framselda reglugerðin sem nú er til umfjöllunar er til viðbótar og stuðnings við fyrrnefnda reglugerð. Hún felur í sér reglur og viðmið um val á skráningaraðila á höfuðléninu .eu. Gert er ráð fyrir því að sá aðili verði valinn samkvæmt útboði. Skilgreindar eru kröfur til hæfis þátttakenda í útboði, bæði um tæknilega getu og fjárhagslega stöðu, kröfur til gæða þjónustunnar. Tilgreint er hvað skuli koma fram í umsókn aðila um þátttöku í útboði.
Reglusetningin er því um innri stjórnsýslu Evrópusambandsins og hefur ekki að geyma ákvæði sem fela í sér skuldbindingar gagnvart aðildarríkjum EES-svæðisins. Reglusetningin kallar því ekki á sérstaklega aðlagaða innleiðingu hér á landi. Enginn kostnaður samfara þessari reglugerð