32020R2226

Markmið sem að er stefnt: Um er að ræða tillögu að reglugerð vegna útgöngu Breta úr Evrópusambandinu. Aðlögunartímabili vegna útgöngunnar lýkur 31. desember 2020.
Náist ekki að gera samning um framtíðarsamband sem nær til flugöryggis fyrir þann tíma mun það hafa áhrif á gildi skírteina og leyfa útgefnum af flugöryggisstofnun Evrópu (EASA) f.h. Bretlands til vottaðra hönnunarfyrirtækja með aðsetur í Bretlandi. Nauðsynlegt er að grípa til aðgerða svo slík skírteini og leyfi haldi gildi sínu eftir lok aðlögunartímabilsins.
Tillagan felur í sér að framleiðendur og rekstraraðilar í Bretlandi geti áfram framleitt vörur og starfað í samræmi við gildandi kröfur sambandsins.
Efnisútdráttur: Þessi tillaga að gerð er ætlað að taka á afleiðingum þess að ákvæði reglugerðar (ESB) 2018/1139 eiga ekki lengur við í Bretlandi eftir að aðlögunartímabili vegna útgöngu Breta úr ESB lýkur.
Tillagan varðar flugöryggi og tekur sérstaklega á stöðunni sem mun koma upp, varðandi gildi skírteina og leyfa, eftir að aðlögunartímabilinu lýkur þann 31. desember nk. náist ekki að gera samning fyrir þann tíma
Gildissvið reglugerðarinnar takmarkast við hönnunarvottorð þar sem Bretland mun taka við hlutverki hönnunarríkis State of Design og tilvik þar sem EASA er ekki í stakk búin til að gefa strax út vottorð til þriðja ríkis.
Reglugerðin er takmörkuð við ákveðin skírteini sem lúta ákvæðum reglugerðar (ESB) 2018/1139 og afleiddra gerða sem og reglugerðar (ESB) 216/2008 og skulu skilgreiningar sem settar eru fram í þeim gilda áfram.
Vottorð sem talin eru upp í viðauka við gerðina skulu talin hafa verið gefin út af Bretlandi á fyrsta degi eftir lok aðlögunartímabilsins.
Skírteini sem upphaflega voru gefin út af EASA eða útgefin af vottuðu hönnunarfyrirtæki sem uppfyllir kröfur hönnunarríkis, e. State of Design – skulu talin útgefin í Bretlandi á þeim degi sem aðlögunartímabili lýkur.
Skírteini og handhafar þeirra verða áfram háðir viðeigandi lögum Sambandsins – sérstaklega að því er varðar eftirlit EASA með aðilum og vottun á vörum.
Umsögn: helstu breytingar, mati á umfangi, og áhrif hér á landi: Gerðin er um bresk hönnunar- og framleiðsluhluti og framleiðsluvörur, búnað og hluti vottuð af breskum fyrirtækjum. Óveruleg áhrif fyrir Ísland.
Lagastoð fyrir innleiðing gerðar: Lagastoðin er 7. mgr. 28. gr. sbr. 145. gr. laga um loftferðir nr. 60/1998.
Rétt væri að reglugerðin yrði innleidd með breytingu á reglugerð nr. 380/2013 um lofthæfi- og umhverfisvottun loftfara og tilheyrandi framleiðsluvara, hluta og búnaðar og vottun hönnunar- og framleiðslufyrirtækja.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn enginn.