32021D0973

Almennt: Á grunni krafna í reglugerðum ESB 443/2009 og 510/2011 ber framkvæmdastjórn ESB að skilgreina ár hvert meðaltal sérstakrar losunar á CO2 og sérstök losunarmarkmið fyrir hvern framleiðanda, og hópa framleiðenda, sem er ábyrgur fyrir nýjum farþegabifreiðum og léttum atvinnuökutækjum í ESB, á Íslandi, Noregi, og Bretlandi, sem og fyrir hvern framleiðendahóp. Þetta er gert í samræmi við reglugerð (ESB) 2019/631, og með tilliti til sérstakra losunarmarkmiða og meðaltals sérstakrar losunar fyrir almanaksárið 2019, og með vísan til reglugerða (EB) nr. 443/2009 og (ESB) nr. 510/2011.Staðfesta þarf frammistöðu framleiðenda og hópa þeirra við að ná losunarmarkmiðum. Upplýsingar framkvæmdastjórnar ESB sem notaðar eru við útreikninga á meðaltali sérstakrar losunar CO2 og á sérstökum losunarmarkmiðum fyrir almanaksárið 2019 byggja á upplýsingum skráningaryfirvalda um nýskráðar farþegabifreiðar og létt atvinnuökutæki fyrir það ár. Mikil rannsóknarvinna og samvinna við skráningarríki og viðkomandi bílaframleiðendur liggur að baki þeirri ákvörðun sem hér um ræðir.Ákvörðunin tekur til 126 bifreiðaframleiðenda eða hópa þeirra og eru þeir skilgreindir í ákvörðuninni.Umsögn: helstu breytingar, mati á umfangi, og áhrif hér á landi: Ákvörðunin hefur engin áhrif hér á landi þar sem um er að ræða staðfestingu á útblæstri tiltekinna ökutækja sem ekki eru framleidd hér á landi og ákvörðuninni er beint að þeim framleiðendum.Lagastoð fyrir innleiðingu gerðar: Að mati Samgöngustofu þarf ekki að innleiða ákvörðunina í íslensk lög þar sem hún beinist ekki að stjórnvöldum hér á landi, né framleiðendum ökutækja sem er að finna á Íslandi. Ef því væri að skipta mætti finna lagastoð í 69. gr. umferðarlaga nr. 77/2019.Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Enginn kostnaður.Skörun við starfssvið annarra ráðuneyta: Nei.Tilgreining á hagsmunaaðilum: Nei.Horizontal issues: sektir, aðrar refsingar, stofnanir, lönd utan EES: Nei.Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.