32021R0700

Markmið sem að er stefnt: Um er að ræða reglugerð um breytingu og leiðréttingu á reglugerð (ESB) nr. 1321/2014. Markmiðið er að bæta og leiðrétta ákvæði í reglugerð (ESB) 1321/2014 um áframhaldandi lofthæfi loftfara og samræma kröfur við ákvæði reglugerðar (ESB) nr. 748/2012.
Reglugerðin mun taka gildi á 20. degi eftir birtingu í Stjórnartíðindum ESB. Ákvæði 1. gr. skal hafa gildi frá 18. maí 2022 að undanskildum liðum 1. gr. (1) og liðir (5), (6) og (8) í 1. viðauka við gerðina – sem skulu gilda frá 18. apríl 2021.
Aðdragandi: Í reglugerð (ESB) nr. 1321/2014 er mælt fyrir um kröfur um áframhaldandi lofthæfi loftfara, þ.m.t. kröfur til þess hvernig tilteknir hlutir eru sett í loftför.
Þegar nýr hlutur er settur upp í tengslum við viðhald loftfars er krafa um að EASA-eyðublað nr. 1 fylgi loftfarshlutnum. Eyðublaðið er gefið út í samræmi við reglugerð (ESB) nr. 748/2012. Með því er staðfest að hluturinn sé í samræmi við samþykkt hönnunargögn.
Ákvæðum reglugerðar (ESB) nr. 748/2012 um leiðbeiningar um áframhaldandi lofthæfi var nýlega breytt. Þá var afnumin krafa um að gefa þurfi út EASA-eyðublað nr. 1 þegar settur er nýr hlutur í loftfar ef áhrif á öryggi flugrekstrar eru hverfandi.
Efnisútdráttur: Með þessari gerð eru gerðar breytingar á reglugerð (ESB) nr. 1321/2014 í þeim tilgangi að samræma ákvæði hennar við reglugerð (ESB) nr. 748/2012.
Breytingarnar snúa að skilgreiningu á viðhaldsgögnum sem er samræmd skilgreiningu skv. reglugerð 748/2012.
Aðlögunartímabil skv. reglugerð (ESB) 2019/1383, sem ljúka átti 24. september 2021, og á að gera fyrirtækjum sem annast stjórnun á áframhaldandi lofthæfi og viðhaldi unnt að gera breytingar á verklagsreglum og skipta yfir í Part-CAMO eða Part-CAO leyfi eftir því sem við á, er framlengt um 6 mánuði þ.e til 24. mars 2022, vegna áhrifa COVID-19 heimsfaraldursins.
Þá eru rangar tilvísanir og ritstjórnarvillur eru leiðréttar.
Umsögn: helstu breytingar, mati á umfangi, og áhrif hér á landi: Gerðin hefur jákvæð áhrif hér á landi þar sem ákvæði hennar gefa leyfishöfum meiri tíma til þess að hlíta nýju Part-CAMO kröfum og Part-CAO eftir því sem við á. Gerðin léttir líka á kröfum um íhluti sem þurfa ekki EASA-eyðublað nr. 1 eftir viðhald.
Lagastoð fyrir innleiðingu gerðar: Lagastoðin er 7. mgr. 28. gr., sbr. 145. gr. laga um loftferðir nr. 60/1998 með síðari breytingum.
Rétt væri að reglugerðin yrði innleidd með breytingu á reglugerð nr. 926/2015 um viðvarandi lofthæfi loftfara og flugtæknilegra framleiðsluvara, hluta og búnaðar og um samþykki fyrir viðhaldsstöðvum og starfsfólki á þessu sviði.
Mat eða tilgreining á kostnaði hins opinbera, sveitar-félaga og atvinnulífs og almennings, ef einhver er: Kostnaður við innleiðingu þessarar reglugerðar er metinn óverulegur.
Skörun við starfssvið annarra ráðuneyta: Nei.
Horizontal issues: sektir, aðrar refsingar, stofnanir, lönd utan EES: Nei.
Þörf fyrir EFTA-komment – aðlaganir sem þegar eru í gildi vegna undanfarandi gerða: Nei.