Útdráttur
Markmið með þessari gerð er að gera nauðsynlegar breytingar á reglugerð (ESB) 2017/373 til þess að hún endurspegli nýjustu alþjóðlega staðla og ráðlagðar starfsvenjur ICAO og til að samræma ákvæði gerðarinnar við ýmis ákvæði reglugerða (ESB) 376/2014, (ESB) 965/2012 og (ESB) 139/2014. Um er að ræða ákvæði er lúta að kröfum um tilkynningar atvika og boðleiðir milli stofnana, auk krafna á þá sem veita veðurþjónustu. Jákvæð áhrif, ekki viðbótarkostnaður.
Nánari efnisumfjöllun
Markmið sem að er stefnt: Markmið með þessari gerð er að gera nauðsynlegar breytingar á reglugerð (ESB) 2017/373 til þess að hún endurspegli nýjustu alþjóðlega staðla og ráðlagðar starfsvenjur ICAO og til að samræma ákvæði gerðarinnar við ýmis ákvæði reglugerða (ESB) 376/2014, (ESB) 965/2012 og (ESB) 139/2014. Um er að ræða ákvæði er lúta að kröfum um tilkynningar atvika og boðleiðir milli stofnana, auk krafna á þá sem veita veðurþjónustu,Efnisútdráttur: Um er að ræða framkvæmdareglugerð (ESB) 2021/1338 um breytingu á reglugerð (ESB) 2017/373 að því er varðar kröfur um tilkynningar atvika og boðleiðir milli stofnana og kröfur um veðurþjónustu. Reglugerð (ESB) 2017/373 mælir fyrir um sameiginlegar kröfur fyrir veitendur þjónustu á sviði rekstrarstjórnunar flugumferðar /flugleiðsöguþjónustu og aðrar aðgerðir flugumferðarstjórnar fyrir almenna flugumferð og eftirlit með þeim. Samkvæmt reglugerðinni skulu þjónustuveitendur koma á fót tilkynningakerfum sem hluta af stjórnunarkerfi sínu í þeim tilgangi að stuðla að stöðugum endurbótum og öryggi. Með þessari gerð eru gerðar breytingar á reglugerð (ESB) 2017/373 til að tryggja samræmi við reglugerð (ESB) nr. 376/2014 um tilkynningu atvika í almenningsflugi sem og greiningu á og eftirfylgni með þeim. Þá snúa breytingarnar einnig að því að samræma reglugerð (ESB) 2017/373 við breytingar á viðauka 3 við Chicago-samninginn sem snúa m.a. að því að efla og bæta samhæfingu að því er varðar dreifingu og upplýsingaskipti á veðurathugunum (METAR og SPECI), flugvallarspám (TAF), markverðar veðurupplýsingar (SIGMET), veðurupplýsingum sem geta haft áhrif öryggi flugs í lægri hæðum (AIRMET), eldfjallaösku, hitabeltisveður, geimveður o.fl. til að henti betur við heildstæða upplýsingastjórnun, e. System Wide Information Management.Þá eru einnig gerðar nauðsynlegar breytingar á reglugerð (ESB) 2017/373 til að samræma hana við ákvæði reglugerða (ESB) nr. 965/2012 og (ESB) nr. 139/2014 í tengslum við kröfur um svokallað Global Reporting Format (GRF) sem snýst um birtingu upplýsinga um flugbrautarástand. Einnig er tilvísun í eldri EASA-gerð breytt yfir í nýja, (ESB) 2018/1139, auk þess sem ítrekuð er ábyrgð starfsleyfishafa skv. 2014/373 í samræmi við kröfur úr reglugerð (ESB) 2018/1139.Er viðaukum I, II, III, V og VI við framkvæmdareglugerð (ESB) 2017/373 breytt til samræmis við viðauka I til V við þessa reglugerð. Umsögn: helstu breytingar, mati á umfangi, og áhrif hér á landi: Nú þegar er unnið að innleiðingu að GRF – þ.e. nýrri framsetningu og birtingu upplýsinga um flugbrautarástand. Því má segja að framkvæmdin komin á undan kröfunni í því tilviki. Um breytingar sem tengjast SWIM þá er um breytingar sem lengi hafa verið í undirbúningi að ræða, bæði á vettvangi ICAO sem og ESB, og koma því ekki á óvart. Að stærstum hluta verður að telja þessar breytingar til bóta. Hvað varðar samræmingu við (ESB) 376/2014 og aðrar upptaldar reglugerðir þá er slík samræming nauðsynleg. Lagastoð fyrir innleiðingu gerðar: Lagastoðin er 6. mgr. 57. gr. a, sbr. 145. gr. laga um loftferðir nr. 60/1998 með síðari breytingum. Rétt væri að reglugerðin yrði innleidd með breytingu á reglugerð nr. 720/2019 um sameiginlegar kröfur fyrir veitendur þjónustu á sviði rekstrarstjórnunar flugumferðar / flugleiðsögu og á sviði starfsemi neta fyrir rekstrarstjórnun flugumferðar og eftirlit með þeim.Mat eða tilgreining á kostnaði hins opinbera, sveitarfélaga og atvinnulífs og almennings, ef einhver er: Innleiðingin kallar ekki á sértækan búnað eða lausnir hjá SGS. Um er að ræða eðlilega þróun krafna sem stöðugt er unnið að hjá Samgöngustofu. Innleiðing gerðarinnar felur því ekki í sér viðbótarkostnað fyrir stofnunina. Tilgreining á hagsmunaaðilum: Veðurstofa Íslands, Isavia ANS. Horizontal issues: sektir, aðrar refsingar, stofnanir, lönd utan EES: Viðauki II og IIIReglugerð (ESB) 2018/1139 hefur ekki verið tekin upp í EES- samninginn. Þörf fyrir EFTA-komment – aðlaganir sem þegar eru í gildi vegna undanfarandi gerða: Engar aðrar en nú þegar eru við (ESB) 2017/373.