Reglugerð framkvæmdastjórnarinnar (ESB) 2022/727 um synjun leyfis fyrir heilsufullyrðingu er varðar matvæli og vísar til minnkunar á sjúkdómsáhættu.

Gerðin varðar reglugerð (EB) nr. 1924/2006 um næringar og heilsufullyrðingar, einkum gr. 14 í þeirri reglugerð. Samkvæmt reglugerðinni eru næringar og heilsufullyrðingar bannaðar nema þær séu heimilaðar af framkvæmdastjórn EB í samræmi við reglugerð 1924/2006 og birtar á lista yfir leyfilegar fullyrðingar. Umsóknir um leyfi fyrir næringar- og heilsufullyrðingum skulu sendar til lögbærs yfirvalds í viðkomandi ríki. Stjórnvaldið sendir umsóknina áfram til Evrópsku matvælaöryggis-stofnunarinnar (EFSA) sem metur umsóknina, og til framkvæmdastjórnar (EB) og meðlimslanda til upplýsinga. Sótt var um leyfi fyrir notkun á fullyrðingu í samræmi við gr. 14(1)(a) í reglugerð (ESB) nr. 1924/2006. Umsóknin varðar efnið Symbiosal og áhrif þess á lækkun á blóðþrýstings og minnkun áhættu á háþrýstingi. Matvælaöryggisstofnuninni (EFSA) var falið að gefa umsögn um heilsufullyrðinguna. Samkvæmt áliti EFSA er ekki hægt samkvæmt innsendum gögnum að staðfesta samband milli neyslu þeirra efna sem sótt var um leyfi fyrir og þeim meintu áhrifum sem þau hafi. Á grundvelli ályktana EFSA hafnar framkvæmdastjórnin umsókninni