Aukefni í matvælum - 32022R2340

Gerðin varðar reglugerð (ESB) nr. 1924/2006  um íblöndun vítamína og steinefna og tiltekinna annarra efna í matvæli og viðauka III við þá reglugerð. Framkvæmdastjórnin getur, að eigin frumkvæði eða vegna ábendinga frá aðildarríkjum, sett efni önnur en vítamín og steinefni á lista í viðauka III við reglugerðina. Á þeim lista eru efni sem eru bönnuð í matvæli, sæta takmörkunum eða eru í athugun hjá Bandalaginu.Bandalaginu hefur borist ábending um hugsanlega áhættu sem neytendum er búin vegna neyslu á katekínum, sérstaklega (-)-epígallókatekín-3-gallats í útdrætti úr grænu tei sem notað er í matvæli og fæðubótarefni.Framkvæmdastjórnin óskaði umsagnar Matvælaöryggisstofnunar Evrópu (EFSA). Í áliti EFSA kemur fram að katín í grænu tei sem lagað er á hefðbundinn hátt og sambærilegra tilbúinna drykkja teljist vera örugg til neyslu. Meðalneysla á (-)-epígallókatekín-3-gallati  vegna hefðbundinnar neyslu á grænu tei, er á bilinu 90-300 mg/dag. Jafnframt kemur fram að rannsóknir bendi til að neysla á 800 mg af (-)-epígallókatekín-3-gallati eða meira í formi fæðubótarefna geti valdið lifrarskaða.Því skuli bannað að bæta í matvæli (-)-epígallókatekín-3-gallati í magni 800 mg eða meira í dag-skammti. Útdráttur af (-)-epígallókatekín-3-gallati úr grænu tei skuli fært inn í B hluta í viðauka III  við reglugerð 1925/2006 og notkun þess í matvæli vera í samræmi við skilyrði í þeim viðauka.Því ber að breyta reglugerð 1925/2006 í samræmi við þessa reglugerð.