Ákvörðun um reglur um framkvæmd útreikninga, sannprófunar og skila á upplýsingum vegna sérsöfnunar á einnota umbúðum fyrir drykkjarvörur úr plasti - 32021D1752

Ákvörðunin setur reglur um framkvæmd útreikninga, sannprófun og skil upplýsinga og gagna vegna sérsöfnunar á einnota umbúðum fyrir drykkjarvörur úr plasti sem kveðið er á um í gr. 9(3) og gr. 13(4) tilskipunar Evrópuþingsins og ráðsins (ESB) 2019/904 um að draga úr áhrifum tiltekinna plastvara á umhverfið. Í 9. gr. tilskipunar 2019/904/ESB eru sett markmið um að sérstök söfnun fyrir endurvinnslu á einnota drykkjarumbúðum úr plasti (sbr. f-hluta viðauka tilskipunar) verði að lágmarki 77% á ári fyrir 2025 og að lágmarki 90% á ári fyrir árið 2029.Samkvæmt gr. 13(1) í 2019/904/ESB eru fyrstu skil á upplýsingum vegna söfnunar á árinu 2023 og skal skila í síðasta lagi 18 mánuðum eftir lok þess árs. Lagt er til að Endurvinnslan taki mið af ákvörðuninni við skil á gögnum og upplýsingum frá og með 2023 sbr. a. lið 10. mgr. 2. gr. breytingarlaga nr. 103/2021.Vakin er athygli á að núverandi fyrirkomulag á upplýsingaskilum frá Endurvinnslunni fer í gegnum Úrvinnslusjóð en skv. breytingarlögunum sem taka gildi 1. jan 2023 skal Endurvinnslan skila beint til Umhverfisstofnunar.Nánar um efni ákvörðunar:1. gr. fjallar um aðferðir við útreikninga og skýrslugjöf á magni á sérsöfnuðum einnota drykkjarumbúðum. Magn sérsafnaðra drykkjarumbúða úr plasti, sem útlistaðar eru í F-hluta viðauka tilskipunar (ESB) 2019/904, er reiknað með því að deila þyngd þeirra í þyngd þeirra einnota drykkjarumbúða sem settar eru á markað og sett fram sem prósentutala. Þá skulu aðildarríkin beita þeim formúlum sem kveðið er á um í 1. viðauka.2. gr. fjallar um aðferðir til að ákvarða þyngd sérsafnaðra drykkjarumbúða, þ.e. hvað er talið með og hvað ekki (1.-3. mgr), hvaða skilyrði þarf að uppfylla til að teljast sérsafnaðar umbúðir (4.-5. mgr.), hvar og hvernig þyngd sérsafnaðra umbúða er mæld eða áætluð út frá fjölda eða hlutfalli og sannprófun þess (6.-8. mgr.). 3. gr. fjallar um aðferðir við ákvörðun á þyngd einnota drykkjarumbúða sem settar eru á markað, þ.e. hvaða umbúðir teljast með, hvernig flutningur milli landa er tekinn með í reikninginn og hvernig skal meta magn markaðssettra umbúða út frá magni úrgangs.4. gr. fjallar um aðferðir við sýnatöku og greiningu á samsetningu úrgangs til að reikna þyngd einnota drykkjarumbúða í blönduðum heimilisúrgangi eða sem er fleygt á víðavangi, m.a. kannanir og dæmigert úrtak.5. gr. fjallar um gildistöku ákvörðunarinnar.Í 1. viðauka eru formúlur til að reikna magn/hlutfall sérsafnaðra einnota drykkjarumbúða.Í 2. viðauka er snið/fyrirkomulag fyrir skýrslugjöf.Í 3. viðauka er snið fyrir gæðaskýrslu.