32025R1248

Samkvæmt áliti Efnastofnunar Evrópu (ECHA), sem samþykkt er af sæfivörunefndinni og byggt á matsskýrslu Írlands sem lögbærs matsyfirvalds, má gera ráð fyrir að sæfivörur í vöruflokki 18, sem innihalda virka efnið epsílonmetóflútrín, muni uppfylla skilyrði b)-liðar 1. mgr. 19. gr. reglugerðar (ESB) nr. 528/2012 (BPR). Því sé rétt að samþykkja efnið að því gefnu að ákveðin skilyrði varðandi notkun þess sé uppfyllt, þ.á.m. fyrir setningu meðhöndlaðra vara á markað, sem innihalda eða hafa verið meðhöndlaðar með efninu. Setja skal aðlögunartímabil fyrir ný skilyrði er varða meðhöndlaðar vörur til að rekstraraðilar hafi nægan tíma til að aðlaga sig.Epsílonmetóflútrín uppfyllir viðmiðun fyrir að teljast þrávirkt efni sem safnast fyrir í lífverum og eitrað og uppfyllir því skilyrði d-liðar 1. mgr. 10. gr. BPR. Það telst því vera efni sem ráðgert er að skipta út og því má endurnýjun samþykkis að hámarki vera til 7 ára. Við mat aðildarríkja á umsóknum um markaðsleyfi eða endurnýjun á markaðsleyfi fyrir sæfivörum, sem innihalda virkt efni sem ráðgert er að skipta út skal framkvæma samanburðarmat á sæfivörum í samræmi við 1 mgr. 23. gr. BPR. Samþykki epsílonmetóflútrín gildir til og með 31. janúar 2035.