32009L0140

Þessi gerð er hluti af pakka þriggja gerða. Gerðirnar voru ræddar lengi milli ESB og EFTA-ríkjanna, fyrst og fremst vegna ágreinings um hvernig aðkomu EFTA ríkjanna að BEREC skyldi háttað. Að lokum tóku nýjar gerðir við og var í kjölfarið samþykkt af öllum aðilum að ekki væri þörf á að taka þessar gerðir upp í EES-samninginn. Málinu því lokið án innleiðingar.

Markmiðið er að styrkja fjarskiptaeftirlitsstofnanar, jafnt skipulagslega og varðandi úrræði þeirra, til þess að ná fram meiri árangri í því að skapa virkt samkeppnisumhverfi á sameiginlegum evrópskum fjarskiptamarkaði, auk þess sem samræmingar- og eftirlitsvald framkvæmdastjórnarinnar er aukið.
Gerðina leiðir af endurskoðun framkvæmdastjórnarinnar á evrópsku fjarskiptaregluverki sem hefur það að meginmarkmiði að búa til einsleitt samkeppnisumhverfi á fjarskiptamarkaði innan ESB.
Í tilskipuninni er m.a. verið að styrkja sjálfstæði fjarskiptaeftirlitsstofnana, bæta við kvöðum sem unnt er að leggja á markaðsráðandi fyrirtæki, t.d. um skipulagslega aðgreiningu, kveða á um tæknilegt hlutleysi, einkum hvað varðar næstu kynslóðar net (NGN), auk úrbóta sem hvetja til fjárfestinga í slíkum netum, ný eftirlitsúrræði framkvæmdastjórnarinnar með markaðsgreiningum og álagningu kvaða.
Ljóst er að þær skyldur sem lagðar eru á fjarkiptafyrirtækin í þessari tilskipun eru í eðli sínu íþyngjandi. Hins vegar eru þessar skyldur í mörgum tilvikum til staðar í dag. Um einhvern kostnað verður þó að ræða hjá fjarskiptafyrirtækjum að laga sig að efni tilskipunarinnar. Hins vegar er ómögulegt að meta hver þessi kostnaður er. Ekki er fyrirséð að hið opinbera verði fyrir kostnaði vegna gerðarinnar umfram það sem leiðir af innleiðingu hennar og eftirliti með því að farið sé að ákvæðum hennar