Tilskipun 2010/78/ESB - 32010L0078

Með tilkomu kerfisins var lagt áherslu á eitt og samræmt regluverk (e. single rule book) á innri markaði Evrópska efnahagssvæðisins. Með Omnibus I er ESMA veitt heimild þar sem stofnunin á að hafa slíkar heimildir til að gera drög að tæknistöðlum, bæði framseldar og framkvæmdarreglugerðir sem fara svo í vinnslu hjá framkvæmdastjórninni með sama hætti og aðrar gerðir og fara eftir ferlinu sem er settur í 10. – 14. gr. og 15. gr. ESA´s reglugerðanna. Tilgangurinn er að búa til samræmt regluverk og beitingu þess og varðar einkum tækniatriði, þar sem þróun þeirra krefst tæknilegrar sérþekkingar frá eftirlitsaðilum.

Þá er bætt inn í gerðirnar þeirri sáttameðferð milli eftirlitsaðila sbr. það sem fram kemur í 19. gr. reglugerðar sem setur á fót ESMA.
Nýja eftirlitsskipulagið, sem komið var á fót með evrópska fjármálaeftirlitskerfinu, mun krefjast náinnar samvinnu lögbærra landsyfirvalda við evrópsku eftirlitsstofnanirnar. Með breytingum á viðeigandi löggjöf ber að tryggja að engar lagalegar hindranir séu í vegi skyldna til að deila upplýsingum, þ.m.t. í reglugerðunum sem koma á fót evrópsku eftirlitsstofnununum.