32010R0823

Reglugerðin fjallar um tölfræði um þátttöku í símenntun fullorðinna. Hún er útfærsla á reglugerð nr. 452/2008, sérstaklega grein 6(1) og fjallar um svið („domain“) 2 í reglugerðinni.
Könnunin skal gerð á tímabilinu frá júlí 2011 til júní 2012 og ná til 12 mánaða viðmiðunartíma þar á undan. Tölum skal skilað á 5 ára fresti. Þátttökulönd skulu skila gögnum til Eurostat innan 6 mánaða frá lokum gagnasöfnunarinnar og gæðaskýrslu innan þriggja mánaða frá gagnaskilum. Skila á tölum um menntun fullorðinna á aldrinum 25-64 ára og valkvætt er að bæta við aldurshópunum 18-24 ára og 65-69 ára.
Eurostat mun útbúa handbók með leiðbeiningum fyrir könnunina og fyrirmynd að spurningalista.
Reglugerðin gerir lágmarkskröfur en löndum er heimilt að bæta við spurningum, að því gefnu að þær hafi ekki áhrif á gæði könnunarinnar.
Í viðbæti I er fjallað er um breytur í gagnasöfnuninni, hverjum skal skilað og hverjar eru valfrjálsar, heiti og kóða.
Í viðbæti II er fjallað um úrtaksstærð og vikmörk. Ekki gert ráð fyrir að úrtak þurfi að vera stærra en 5.000 manns. Skilgreind eru vikmörk fyrir ákveðnar spurningar, og eru þau víðari fyrir lönd með 1-3,5 milljónir íbúa og enn víðari fyrir lönd með undir einni milljón íbúa.
Í viðbæti III er fjallað um gæðaskýrslu, sem skal gerð í samræmi við grein 4(1)(d) í reglugerð nr. 452/2008.