Nánari efnisumfjöllun
Markmið sem að er stefnt: Markmiðið með þessari reglugerð er að víkka út verkefni og hlutverk Siglingaöryggisstofnunar Evrópu (EMSA). Því eru gerðar breytingar reglugerð 1406/2002.Aðdragandi: Tilskipun um stofnun EMSA kom fyrst fram í framhaldi af ERIKA olíuslysinu. Upphaflega var markmiðið með EMSA að bæta siglingaöryggi og koma í veg fyrir mengun sjávar. Í framhaldi af PRESTIGE mengunarslysinu voru EMSA fengin frekari verkefni og hlutverk með tilliti til mengunarvarna sjávar. Með árunum hafa m.a. eftirfarandi verkefni bæst við:• með reglugerð nr. 725/2004 varð siglingavernd verkefni EMSA• starfið hefur þróast í aðstoð við aðildarríki með Safeseanet, Cleanseanet, LRIT, Thetis.• Aukin verkefni á sviði hafnarríkiseftirlits, sbr. 2009/16• Úttektir á flokkunarfélögum, menntun og þjálfun sjómanna, siglingavernd.Niðurstaða í skýrslu sem stjórn EMSA samþykkti í mars 2010 kvað á um nauðsyn þess að setja ítarlegri ákvæði um hlutverk EMSA og ákvæði þar um þyrftu að vera skýrari og taka af allan vafa um hlutverk og vald stofnunarinnar.Efnisúrdráttur:Í 2. gr. er fjallað í ítarlegu máli um hlutverk EMSAÍ grein 2. a. er fjallað um skyldu stofnunarinnar til að aðstoða framkvæmdastjórnina og aðildarríki.Í 3. gr. er fjallað um heimsóknir og úttektir EMSA á framkvæmd ESB gerða hjá aðildarríkjunum.Í 10. gr. er fjallað um gerð ársskýrslu, aðstoð við framkvæmdastjórn EB, og önnur störf stofnunarinnar.Í 11. gr. er kveðið á um að skipun aðildarríkja á fulltrúa í stjórn eigi að byggjast á reynslu og sérfræðiþekkingu skv. 1. gr. Gæta á jafnræðis á milli kvenna og karla.Í 13. gr. er kveðið á um að stjórn stofnunarinnar geti tekið upp mál í stjórn sem trúnaður á að ríkja um.Í 15. gr. er kveðið á um að framkvæmdastjóri skuli gera tillögu til stjórnar um starfsáætlun, starfsmannastefnu, árlega áætlun yfir verkefni, ákveða heimsóknir og úttektir í aðildarríkjum, samninga við aðila í hliðstæðum rekstri og framkvæmd gæðastjórnunarkerfis innan stofnunarinnar. Kveðið er á um að hann skili skýrslu til Evrópuþingsins og ráðsins um starfið.Í 16. gr.: er fjallað um hvernig standa eigi að skipun framkvæmdastjóra stofnunarinnar.Í 18. gr. er fjallað um fyrirkomulag við gjaldtöku og fjárhagsáætlun stofnunarinnar.Í 22. gr. er kveðið á um að gera skuli mat á virkni stofnunarinnar.Umsögn: helstu breytingar, mati á umfangi, og áhrif hér á landi: Reglugerðin hefur ekki áhrif hér á landi með beinum hætti. Til lengri tíma litið mun hún hafa jákvæð áhrif á samstarf á Evrópuvettvangi um málefni siglinga. Samgöngustofa og samgöngu- og sveitarstjórnarráðuneytið geta leitað aðstoðar og leiðbeininga um málefni siglinga til EMSA. Starfsmenn eiga kost á að sækja fræðslu og þjálfun, e. work shop, til EMSA. Ísland á fulltrúa í stjórn stofnunarinnar. Innleiðing reglugerðarinnar mun einnig auka eftirlit með stjórnsýslu siglingamála hér á landi í formi heimsókna og úttekta EMSA á framkvæmd einstakra málefna og almennt á framkvæmd innleiðinga Íslands á EES-gerðum. Þá verður aukið eftirlit með frammistöðu Íslands sem fánaríkis, e. Flag State Implementation.Lagastoð fyrir innleiðingu gerðar: Lög um eftirlit með skipum nr. 47/2003. Innleiðing með breytingu á reglugerð um stofnun Siglingaöryggisstofnunar Evrópu, nr. 1138/2007.Mat eða tilgreining á kostnaði hins opinbera, sveitarfélaga og atvinnulífs, ef einhver er: Ekki verður séð að kostnaður ríkisins eða annarra aðila muni aukast með beinum hætti við innleiðingu reglugerðar 100/2013.